За тры месяцы грузінскія ўлады выслалі 16 беларускіх грамадзян — новы рэкорд
Рэкордную колькасць беларускіх грамадзян — 16 — выслалі ў другім квартале 2026 года ўлады Грузіі, сведчыць праведзены «Позіркам» аналіз звестак мясцовай паліцыі. Гэта ўдвая больш, чым у першым квартале, што на той момант таксама было рэкордам, паведамляе «Позірк».
За красавік — чэрвень з Грузіі выслана 15 мужчын і адна жанчына.
Такім чынам, за паўгоддзе Грузія, якой з 2012 года кіруе партыя прарасійскага алігарха Бідзіны Іванішвілі, выслала 24 грамадзяніна Беларусі. Гэта 1,18% усіх замежнікаў, высланых з краіны за названы перыяд.
12 беларусаў (усе — мужчыны) у другім квартале 2026 года было змешчана ў цэнтр часовага ўтрымання, сведчаць звесткі паліцыі.
У 2025 годзе Грузія выслала 6 беларускіх грамадзян (усе — мужчыны), што стала гадавым рэкордам.
За папярэднія шэсць гадоў (2019-24) з гэтай краіны было выслана тры грамадзяніна Беларусі.
Агульная статыстыка сведчыць аб актывізацыі грузінскіх сілавікоў: у 2021 годзе было выслана 77 замежнікаў, у 2022‑м — 165, у 2023‑м — 190, у 2024‑м — 363, у 2025‑м — 1311.
Грузія стала адной з асноўных краін знаходжання беларусаў, якія ўцяклі ад пераследу рэжымам Лукашэнкі ў 2020 годзе і пазней. Мясцовыя ўлады не задаволілі ніводнага іх хадайніцтва аб наданні прытулку.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары