Схема была наступная.
Супрацоўнікі Савецкага РУУС раскрылі серыю крадзяжоў, учыненых на пляжы Цнянскага вадасховішча, паведамляе «Міліцыя Мінска».
20‑гадовы прадавец аднаго са сталічных гандлёвых аб’ектаў і 16‑гадовы школьнік абкрадалі адпачывальнікаў. Яны выглядалі рэчы, якія грамадзяне пакідалі без нагляду, — пакуль купаліся, загаралі або адыходзілі да пляжных кіёскаў па пакупкі.
Затым фігуранты падыходзілі, накрывалі чужыя сумкі і заплечнікі сваёй посцілкай, рабілі выгляд, быццам вытрасаюць яе, і ў гэты момант забіралі чужую маёмасць.
Вядома тры эпізоды. Агульная шкода склала больш за 1300 рублёў.
Паводле слоў саміх фігурантаў, дакументы, смартфоны і кашалькі яны выкідвалі ў лесе, а дробную электроніку — парагенератары, зарадныя прылады, навушнікі — пакідалі сабе. Скрадзеныя грошы зламыснікі трацілі на асабістыя патрэбы.
Вядома, што раней маладыя людзі ўжо прыцягваліся да крымінальнай адказнасці за аналагічныя злачынствы.
«Кайлас, я іду». Што за беларуска знікла ў жудасным селі ў Непале6
Каментары