У Іўі на фестывалі памідораў прыгатавалі 9‑метровы бутэрброд
Таксама там урачыста закаталі слоік «касмічных таматаў».
Сёння ў райцэнтры на Гарадзеншчыне праходзіць фестываль «Іўеўскі памідор». Яго цэнтральнай часткай стала ўрачыстае шэсце па вуліцах горада.
На набярэжнай гарадской сажалкі ўсіх гасцей сустракала памідорнае каралеўства. Гаспадары свята сіньёр Памідор і яго спадарожніца Памідорка прыплылі туды пад пунсовай ветразю.
Традыцыяй фестывалю з'яўляецца ўрачыстая закатка слоікаў з іўеўскімі памідорамі. Адзін з іх закаталі чыноўнікі, а іншы — прадстаўнікі мясцовага духавенства.
А слоік «Касмічны ўраджай» зрабілі з памідораў, насенне якіх летась злятала ў космас. Яго даверылі закрыць мясцовым школьнікам і гасцям з Расіі: намесніцы галоўнага рэдактара «Расійскай газеты» Ядзвізе Юферавай і палкоўніку Вайскова-касмічных сіл РФ Віктару Шутаву.
Сюрпрызам для ўсіх наведвальнікаў стаў 9‑метровы святочны бутэрброд.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары