Яшчэ чатыры чалавекі параненыя.
«Сёння ўначы ўдарамі дронаў Расія забіла трох чалавек у Пухаўцы на Кіеўшчыне: дзядулю, бабулю і іх унука. Усяго тры гады было хлопчыку. Яшчэ чацвёра шпіталізаваныя: бацька дзіцяці, яго 15‑гадовы брат і сусед, які прыйшоў на дапамогу сям’і і быў паранены падчас паўторнага ўдару. У пацярпелых — тэрмічныя апёкі, аскепкавыя раненні. Мае спачуванні. Гэта быў звычайны жылы дом. Не маглі гэтага не ведаць расіяне», — напісаў Уладзімір Зяленскі ў сваім тэлеграм-канале.
Таксама быў удар шасцю балістычнымі ракетамі па грамадзянскай інфраструктуры ў Кіеве. На гэты момант вядома пра аднаго загінулага чалавека. Мае спачуванні родным і блізкім. Таксама пад абстрэлам знаходзіліся Данеччына, Харкаўшчына, Сумшчына, Днепрапятроўшчына, Запарожжа, Адэччына, Херсоншчына, Мікалаеўшчына, Чарнігаўшчына і Палтаўшчына.
«Еўропа, Амерыка, Украіна даўно хочуць спыніць гэтую расійскую вайну. Не хоча толькі Пуцін і з усіх сіл чапляецца за сваю балістыку і дроны, каб працягваць ваяваць. Трэба больш ціску. Новыя санкцыі, якія не дазволяць вырабляць гэтую балістыку. І абавязкова трэба больш абароны для нашых людзей», — дадаў Уладзімір Зяленскі.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары