Новы «Чалавек-павук» стаў другім самым паспяховым дэбютам за гісторыю Галівуда
За першыя выходныя ён сабраў у сусветным пракаце $927 мільёнаў.
Фільм «Чалавек-павук: Новы дзень» (Spider-Man: Brand New Day) ад Sony Pictures з Томам Холандам і Зендаей у галоўных ролях сабраў $355 мільёнаў у першы ўік-энд у пракаце ў Паўночнай Амерыцы. Гэта другі самы паспяховы дэбют у гісторыі Галівуду. Першае месца ў гісторыі пакуль за «Мсціўцамі: Фінал» (2019 года) — $357,1 мільёна, паведамляе Hollywood Reporter.
У пракаце па іншых краінах новы «Чалавек-павук» сабраў $572 мільёны — агулам атрымліваецца $927 мільёнаў за першыя выхадныя. Гэта другі вынік у гісторыі — на першым месцы тут таксама «Мсціўцы: Фінал» з $1,2 мільярда.
Бюджэт фільма склаў $225 мільёнаў. Асноўная аўдыторыя — маладзёжная мужчынская публіка: 36% гледачоў былі ва ўзросце ад 18 да 24 гадоў, а 61% усяго зала складалі мужчыны.
Гэты надзвычайны старт адбыўся на фоне дыскусій пра магчымую стомленасць гледачоў ад франшыз і супергеройскага жанру, асабліва пасля няўдалага пракату «Супергёрл» ад DC Studios гэтым летам.
У фільме таксама зняліся Сэйдзі Сінк, Якаб Баталон, Джон Бернтал і Марк Руфала. Сюжэт сканцэнтраваны на выпрабаваннях адзінокага жыцця Пітэра Паркера, пакуль на яго не выходзіць нябачны вораг.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары