Cichanoŭskaja ŭ zvarocie na radyjo: Maja misija — uvasobić našy mary ŭ realnaść
«Ja nie palityk, heta moj muž chacieŭ bałatavacca, ale ciapier siadzić u turmie. Ja chaču stać prezidentam, kab źmianić situacyju». Pra heta zajaviła kandydat u prezidenty Śviatłana Cichanoŭskaja ŭ svaim druhim zvarocie na radyjo.
Zvarot Śviatłany pa radyjo paŭtaraŭ učorašni vystup na telebačańni.
Jana raspaviała naviny apošnich dzion, jakija «nie pakažuć na aficyjnym telebačańni»: što Siarhiej znachodziŭsia ŭ karcary, Valeryj Capkała vyviez dziaciej, a jaje pikiety ŭ 11 haradach źbirali tysiačy ludziej.
«Maja misija ŭvasobić mary ŭ realnaść», — kaža Śviatłana. Jana padkreśliła, što nichto ŭ jaje kamandzie nie choča majdanu. «My kličam na vybary, a nie majdan». Pra majdan kaža tolki adzin čałaviek — kiraŭnik krainy.
«Kali ŭłada sydzie, tut budzie śviata».
«Kali ŭłada sydzie, to my nabudziem niezaležnaść i svabodu».
«Piensijaniery pavinny hulacca z unukami, a nie handlavać jahadami na trasie, kab vyžyć. Ja viedaju, jak pavysić piensii».
Kamientary