Udavie źnikłaha Anatola Krasoŭskaha admovili ŭ adnaŭleńni śledstva
Hienieralnaja prakuratura Biełarusi, razhledzieŭšy skarhu ŭdavy vykradzienaha ŭ 1999 hodzie biznesoŭca Anatola Krasoŭskaha, admoviłasia pierahladać pastanovu Śledčaha kamiteta ab prypynieńni rasśledavańniaŭ pa faktach źniknieńniaŭ biełaruskich palitykaŭ 20-hadovaj daŭniny. Pra heta Iryna Krasoŭskaja paviedamiła DW u čaćvier, 28 traŭnia.
Pry hetym u liście za podpisam načalnika ŭpraŭleńnia pa nahladzie za vykanańniem zakanadaŭstva Śledčym kamitetam Biełarusi Kanstancina Biaspalenkava adznačajecca, što, pakolki papiaredniaje rasśledavańnie pa nazvanaj kryminalnaj spravie «nie skončana», kopija skarhi Iryny Krasoŭskaj «nakiravana dla razhladu ŭ Śledčy kamitet».
Śledstva pa spravie ab źniknieńni eks-kiraŭnika Centravybarkamu Viktara Hančara, eks-ministra ŭnutranych spraŭ Juryja Zacharanki i biznesoŭca Anatola Krasoŭskaha adnavili 18 śniežnia 2019 hoda, paśla intervju byłoha bajca SACHR unutranych vojskaŭ MUS Juryja Haraŭskoha. Haraŭski śćviardžaŭ, što ŭ kancy 1990-ch braŭ udzieł u vykradańni apazicyjnych palitykaŭ.
Adnak u sakaviku 2020 hoda SK prypyniŭ rasśledavańnie.
Ciapier čytajuć
Mielnikava krała hramadskija hrošy pa $2500, pieravodziačy na ŭłasny rachunak21
Mielnikava krała hramadskija hrošy pa $2500, pieravodziačy na ŭłasny rachunak
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2222
Kamientary