Удаве зніклага Анатоля Красоўскага адмовілі ў аднаўленні следства
Генеральная пракуратура Беларусі, разгледзеўшы скаргу ўдавы выкрадзенага ў 1999 годзе бізнэсоўца Анатоля Красоўскага, адмовілася пераглядаць пастанову Следчага камітэта аб прыпыненні расследаванняў па фактах знікненняў беларускіх палітыкаў 20-гадовай даўніны. Пра гэта Ірына Красоўская паведаміла DW у чацвер, 28 траўня.
Пры гэтым у лісце за подпісам начальніка ўпраўлення па наглядзе за выкананнем заканадаўства Следчым камітэтам Беларусі Канстанціна Бяспаленкава адзначаецца, што, паколькі папярэдняе расследаванне па названай крымінальнай справе «не скончана», копія скаргі Ірыны Красоўскай «накіравана для разгляду ў Следчы камітэт».
Следства па справе аб знікненні экс-кіраўніка Цэнтравыбаркаму Віктара Ганчара, экс-міністра ўнутраных спраў Юрыя Захаранкі і бізнэсоўца Анатоля Красоўскага аднавілі 18 снежня 2019 года, пасля інтэрв'ю былога байца САХР унутраных войскаў МУС Юрыя Гараўскога. Гараўскі сцвярджаў, што ў канцы 1990-х браў удзел у выкраданні апазіцыйных палітыкаў.
Аднак у сакавіку 2020 года СК прыпыніў расследаванне.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары