A1 źmianiła łahatyp, kab nahadać pra važnaść sacyjalnaha dystancyjavańnia, i zaklikała zastavacca anłajn
Kampanija A1 prailustravała zakliki Suśvietnaj arhanizacyi achovy zdaroŭja (SAAZ) i Ministerstva achovy zdaroŭja Biełarusi da sacyjalnaha dystancyjavańnia i ŭniesła źmieny ŭ svoj łahatyp, addalliŭšy adna ad adnoj litaru «A» i ličbu 1.
Akramia pramiežku, pamiž litaraj «A» i ličbaj 1 u łahatypie źjaviŭsia tekst «Zastavajsia na adlehłaści. #Ostavajsiaonłajn», jaki taksama nahadvaje pra važnaść zachavańnia rekamiendacyj SAAZ i Ministerstva achovy zdaroŭja Biełarusi. Źmienieny dyzajn łahatypa A1 pradstaŭleny na aficyjnym sajcie kampanii, a taksama na jaje staronkach va ŭsich sacyjalnych sietkach.
Akramia taho, u padtrymku inicyjatyvy #ostavajsiaonłajn, u ramkach jakoj klijentam A1 na papularnych taryfnych płanach pradastaŭleny bazavy mabilny internet, a taksama biaspłatny dostup da papularnych filmaŭ i sieryjałaŭ u videaservisie VOKA, kampanija abnaviła identyfikatar svajoj sietki — ciapier abanienty A1 ubačać u status-radku chešteh #STAYONLINE. Heta taksama adzin sa sposabaŭ nahadać pra toje, što dla pracy, znosin i zabaŭ pakul lepš vybirać dystancyjnyja kanały, a nie asabistyja kantakty.
Bolš padrabiazna pra inicyjatyvu #ostavajsiaonłajn možna daviedacca ź videazvarotu hienieralnaha dyrektara A1 klijentam, jaki raźmieščany ŭ jaho akaŭncie ŭ Facebook.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary