Kim: Łukašenka ratuje Biełaruś ad katastrofy, nie ŭvodziačy karancin. Viačorka: Złačynna!

«Ja padtrymlivaju toje, što robiać ułady z nahody karanavirusa. Liču, što Alaksandr Łukašenka imkniecca vyratavać krainu ad katastrofy (i ŭ jaho pakul atrymlivajecca). A šyroki karancin krainu moža dabić. Naša ekanomika takoha nie vytrymaje.

Takim čynam, usio pieraviarnułasia i biełaruskaja ŭłada zastałasia ci nie adzinaj u śviecie, jakaja kirujecca nie papulizmam, a žadańniem dabra dla hramadstva. Viedaju, što za heta mianie źjaduć, ale nie mahu maŭčać u situacyi ŭsieahulnaha varjactva», — napisaŭ u fejsbuku stvaralnik kampanii «Kinakonh» Andrej Kim.

Pavialičyć

Kim — stvaralnik małoha nišavaha biznesu, jakomu i tak nie soładka. Ale ŭ vypadku ŭsieahulnaha karancinu jaho sprava moža apynucca na miažy bankructva. Kimaŭ «Kinakonh» pakazvaje kino na biełaruskaj movie, karancin zakryŭ by kinateatry.

«Ja, jak biznesoviec, baču, jakija katastrafičnyja nastupstvy niasie panika», — narakaje jon.

Rezki adkaz Kimu napisaŭ Franak Viačorka, vice-prezident amierykanskaj Digital Communication Network, adzin ź mieniedžaraŭ biełaruskaj słužby «Radyjo Svaboda».

Pavialičyć

«Ludzi, jakija vierać u słušnaść łukašenkaŭskaj palityki pa ihnaravańni virusa i złačynnaha biaździejańnia, vy adkul zvalilisia? Nie treba paŭtarać pamyłak tych uradaŭ, jakija taksama vybirali padobnuju taktyku napačatku i žorstka papłacilisia paśla.

Nie, tut asablivaha šlachu niama, i lepš za karancin i sacyjalnaje dystancyjavańnie ničoha čałaviectva nie prydumała. Nie treba pościć fejki pra Šviecyju, jakaja vyrašyła dać «pierachvareć usim». Šviedy ŭviali karancinnyja zachady i žorstka ich pilnujucca, jak i ŭsie cyvilizavanyja (i niecyvilizavanyja taksama) krainy.

Utojvańniem praŭdy i ihnaravańniem prablema nie vyrašajecca, a ekanomika nie ratujecca. Kažuć, kali budzie ŭviedzieny karancin — heta dabje ekanomiku. Ale biełaruskaja ekanomika zaležyć najpierš ad naftapraduktaŭ i tranzitu, a nie ad škoł, kinateatraŭ i futbolnych matčaŭ. Niaŭžo vy ličycie, što biełaruskaja ekanomika trymajecca na zavodskich rabočych, školnikach ci vadzicielach mietro? U takich situacyjach, kali dziaržava nie choča ci nie moža pakłapacicca pra svaich hramadzianaŭ, ludzi mohuć i musiać samaarhanizoŭvacca».

Takoha ž mierkavańnia prytrymlivajecca i papularny błohier Ihar Łosik («Biełaruś hałaŭnoha mozha»), źviazany z «Radyjo Svaboda».

Pavialičyć

«Novy čelendž u fejsbuku. Padtrymajem biaździejnaść Łukašenki. Ad całkam nie durnych ludziej, jakija ad jaho ŭžo nie raz atrymlivali pa hałavie. Ciapier jon, akazvajecca, adziny ekanomiku trymaje i nie daje ŭpaści. Chacha.

Nibyta da poŭnaha karancinu nichto nie zaklikaje, nichto nie prosić začyniać uvohule ŭsio ŭ krainie, chapiła b chacia b minimalnych mier (škoły, univiery, poŭny kantrol na miažy i maksimalny achop testami nasielnictva). Ad takoha ekanomika nie razburajecca. A navat kali b i zaklikali da poŭnaha karancinu, heta ŭ pieršuju čarhu vina Łukašenki, što za 25 hadoŭ jon pabudavaŭ takuju ​​ekanomiku, jakaja miesiac aŭtanomna nie vytrymlivaje. A vy jaho ŭžo publična chvalicie», — adznačaje jon.

• 0
• 0
• 0
• 0
• 0
• 0
• 0
• 0