U tracinie dziciačych miedustanovaŭ Rasii nie znajšli vadapravod i kanalizacyju
U amal tracinie rasijskich miedycynskich ustanoŭ, jakija pracujuć u śfiery dziciačaj achovy zdaroŭja, pa stanie na 1 studzienia 2019 hoda adsutničaŭ vadapravod, piša ria.ru sa spasyłkaj na spravazdaču Padlikovaj pałaty.
Pavodle źviestak, z 116,8 tysiačy budynkaŭ, u jakich akazvajecca miedycynskaja dapamoha dzieciam, u 30,5% adsutničaŭ vadapravod, u 52,1% — haračaje vodazabieśpiačeńnie, u 41,1% — centralnaje aciapleńnie, a ŭ 35% — kanalizacyja.
Taksama ŭ Padlikovaj pałacie pakazali na toje, što 47% dziciačych balnic i paliklinik nie abstalavanyja pandusami dla invalidaŭ.
Jak vynikaje z dakładu, bolšaść dziciačych balnic i paliklinik znachodziacca ŭ niezdavalnialnym sanitarnym i techničnym stanie, «što pryvodzić da naturalnaha ich razbureńnia».
U viedamstvie nazvali nieefiektyŭnym vydzialeńnie srodkaŭ ź fiederalnaha biudžetu na abstalavańnie dziciačych miedustanoŭ.
Akramia taho, pravierka, praviedzienaja Padlikovaj pałataj, pakazała, što ni ŭ adnym z rehijonaŭ Rasii nie dasiahnuty ŭsie kryteryi dastupnaści jakaści miedycynskaj dapamohi.
Ciapier čytajuć
Vyjšaŭ na svabodu vybitny chirurh Andrej Lubiecki2
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Kamientary