18-hadovaja Bili Ajliš pieramahła ŭ hałoŭnych naminacyjach «Hremi», u tym liku ź pieśniaj Bad Guy
Amierykanskaja śpiavačka Bili Ajliš atrymała «Hremi» u piaci z šaści naminacyj — «Pieśnia hoda», «Najlepšy novy vykanaŭca», «Zapis hoda», «Albom hoda» i «Najlepšy vakalny pop-albom». 62-ja štohadovaja cyrymonija ŭručeńnia ŭznaharod «Hremi» prachodziła ŭ «Stejpłs-centry» ŭ Łos-Andželesie.
Artystcy ŭdałosia ŭziać ŭznaharody va ŭsich najbolš prestyžnych naminacyjach, niefarmalna zvanych «Vialikaja čaćviorka», kudy ŭvachodziać «Pieśnia hoda», «Lepšy novy vykanaŭca», «Albom hoda» i «Zapis hoda».
U naminacyi za zvańnie «najlepšaj pieśni hoda» jana pieramahła z Bad Guy. U hetaj naminacyi taksama zmahalisia «Truth Hurts» Lizo, «Always Remember Us This Way» Łedzi Haha, «Bring My Flowers Now» kantry-vykanaŭcy Tani Takier, «Hard Place» H.E.R., «Lover» Tejłar Śvift, «Norman F *** ing Rockwell» Łany Del Rej i «Someone You Loved» Ljuisa Kapaldzi.
Taksama Bili Ajliš atrymała «Hremi» za najlepšy pop-albom — «When We All Fall Asleep, Where Do We Go?»
U hetaj naminacyi taksama byli pradstaŭlenyja Biejonsie z albomam «The Lion King: The Gift», Aryjana Hrande i «thank u, next», Ed Šyran z albomam «No.6 Collaborations Project», a taksama albom Tejłar Śvift «Lover».
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary