Užo zaŭtra, 10 žniŭnia, mastaki Vulica Brasil kličuć na ŭračystaje zakryćcio urban-art fiestyvalu na vulicu Kastryčnickuju. A pakul finalnyja ryski ŭ vuličny naścienny žyvapis ŭnosić mastactvaznaŭca, dyzajnier i mastak z Brazilii Bruno Big.
Bruno Big (jon ža Bruna Karniejru Maskiara) — viadomy rajtier sa śpiakotnaha Rya-de-Žaniejra. Z 5 žniŭnia jon na vačach vidavočcaŭ pieratvaraje sumnuju ścianu zavoda MZKR (kala prastory Space) u kałarytny murał. Siońnia pa vuł. Kastryčnickaj 16/3 z boku vadajoma aŭtar stryt-art prac u ZŠA, Ispanii, Francyi, Livanie, Kitai, dyzajnier futbolnaj formy Brazilii i ŭładalnik ekspresiŭnaha instahram-akaŭnta pracuje nad finalnaj častkaj svajho abjekta.
Technika Bruna — razmaloŭka architektury na skryžavańni hraviury i žyvapisu. Zadumka mienskaha murała Bruna — tielepartavać hledačoŭ u dziŭny i niezvyčajny śviet pryhožaha. Pa słovach mastaka, novy art-abjekt dapamoža miascovym žycharam i turystam źviarnuć uvahu na toje, što ŭ kožnaha ŭnutry. «Sakret nie ŭ tym, kab hnacca za matylkami, a ŭ tym, kab turbavacca pra svoj sad, i tady matylki prylaciać sami», — cytuje jon brazilskaha paeta Maryu Kintana.
Kab murał brazilskaha majstra ŭbačyli ŭ biełaruskaj stalicy, kamanda Vulica Brasil pracavała razam z partnioram — novym napojem Danao, jakija, natchniŭšysia kancepcyjaj murała, dapamahli apłacić pieralot Bruna z Rya, bolš za 500 bałončykaŭ-sprejaŭ farby i kala sotni litraŭ akryłu, a taksama ekipiroŭku dla stvareńnia hetaj malaŭničaj pracy.
Dziakujučy takoj kałabaracyi, aryjentavacca z boku vadajoma na vuł. Kastryčnickaj 16/3 stanie praściej: ścieny zavodaŭ u apracoŭcy mastakoŭ Vulica Brasil pieraapranucca ŭ niezvyčajny kalarovy art-sad.
Zaprašajem pahladzieć na novy rośpis!
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary