23 studzienia ŭ Minsku adbudziecca śviatočnaja prezientacyja ŭnikalnaj knihi «Novy Zapaviet» na paleskaj movie v. Simanavičy viadomaha movaznaŭcy Fiodara Daniłaviča Klimčuka.
Niekalki tydniaŭ tamu na płatformie ulej.by paśpiachova byŭ zavieršany kraŭdfandynh na vydańnie «Novaha Zapavietu». U čym admietnaść vydańnia? «Novy Zapaviet» staŭ nazyvacca «Novym Zavitam» i zahavaryŭ na zachodniepaleskaj havorcy. Pierakład zrabiŭ Fiodar Klimčuk - movaznaŭca, historyk, adzin z najlepšych znaŭcaŭ tradycyjnaj kultury Bieraściejščyny i Pinščyny. Jon zrabiŭ dźvie ŭnikalnyja spravy: zapisaŭ havorki socień nasielenych punktaŭ Bresckaj vobłaści, a taksama pierakłaŭ na havorku svajoj rodnaj vioscy Simanavičy «Zavit» dy tvory Hamera, Tałstoha i Hohala, takim čynam zachavaŭšy mikramovu svajho rehijonu dla naščadkaŭ.
«Ja pamiataju moŭnuju psichałohiju svajoj vioski: pa-rusku možaš razmaŭlać niedzie tam, u horadzie, ale z maci — barani Boža! Heta ličyłasia hrachom. Abaviazkova na svajoj. Tolki pry takim staŭleńni, liču, jaje možna zachavać i nadalej», — kazaŭ tady naš ziamlak. «Pamruć havorki - mova stanie miortvaj», — ličyŭ Fiodar Daniłavič i rabiŭ usio dla taho, kab hetaha nie zdaryłasia.
Na čale ź Sieržukom Doŭhušavym prajekt byŭ zapuščany, a dziakujučy achviaradaŭcam kniha ŭžo trapiła ŭ druk i chutka pabačyć śviet.
Kniha vychodzić ŭpieršyniu ŭ poŭnym vydańni.
Padčas prezientacyi adbudziecca kancert z udziełam aŭtentyčnych hurtoŭ i śpievakoŭ. Śpiecyjalnyja hości — Iryna Maziuk i hurt «Kudmień», mužčynski hurt «Rada», kalektyŭ siaścior Łukjanovič (v.Leśniki, Drahičynski r-n), «Paleskaja batlejka» ad siamiejnaha teatra Łarysy i Alaksandra Bycko (Bieraście).
Ščyra zaprašajem!
Viadoŭca: Ina Chomič
Adras: Halereja Tut.by (pr. Dziaržynskaha, 57, 9 pavierch)
Pačatak a 19.00
Uvachod volny, ale tolki pa rehistracyi.
Zapoŭnić zajaŭku možna tut.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary