Ledź nie štohod u litaraturnym pavietry pavisaje rytaryčnaje pytańnie pra najaŭnaść ci adsutnaść sučasnaj litaraturnaj krytyki. Z adnaho boku, tryvałaj i štodzionnaj mahčymaści čytać novyja litaraturnyja ahlady na biełaruskaj movie pakul nie isnuje, što składaje ŭražańnie «śmierci pacyjenta».
U toj ža čas za apošnija 10 hadoŭ sfarmavałasia koła aŭtaraŭ, jakoje pastajanna drukuje litaraturnyja recenzii, ale nie ŭsprymajecca jak aficyjnaje pradstaŭnictva sučasnaj litaraturnaj krytyki Biełarusi. Samaja litaratura ŭ toj samy čas taksama zastajecca niedaprajaŭlenaj. Jaje najaŭnaść zaśviedčvajuć zhadki ŭ ŚMI, a nie analityčny składnik.
Niabačnaść litaraturnaj krytyki i niedaprajaŭlenaść litaratury, takim čynam, apynajucca nadzvyčaj uzajemaźviazanymi faktarami.
Chto vinavaty i što z hetym usim rabić, prapanujem razabracca na dyskusii hramadskaha abjadnańnia «Sajuz biełaruskich piśmieńnikaŭ», pryśviečanaj litaraturnym vynikam 2017 hoda i litaraturnaj krytycy novaj hienieracyi.
Abmiarkoŭvajem:
— Biełaruskaja litaratura ŭ 2017-m: pravał, uźlot ci stahnacyja?
— Sučasnyja funkcyi krytyki: daśledavać tvor, zacikavić vydaŭca, pakupnika ci sfarmavać ułasnuju reputacyju?
— «Pad ściaham Hiedrojcia»: ci varta mierkavać pra litaraturu praz škielcy ŭznaharod.
— Źjaŭleńnie novych praktyk čytańnia i ich upłyŭ na krytyku
— Litaraturnyja reputacyi: jak skazać, što dumaješ, i zastacca žyvym?
Udzielničajuć:
Maryna Viesiałucha
Nasta Hryščuk
Žana Kapusta
Alena Karp
Maderatar — Cichan Čarniakievič
27 śniežnia (siońnia) a 18:00 ŭ Litaraturnym muziei Maksima Bahdanoviča.
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma15
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary