Jeŭrapiejskija pracadaŭcy majuć prava zabaraniać supracoŭnicam nasić musulmanskija hałaŭnyja chustki na pracoŭnym miescy, pastanaviŭ Jeŭrapiejski sud u Luksiemburhu, vyšejšaja sudovaja instancyja Jeŭrasajuza. Heta pieršaje jaho rašeńnie pra demanstracyju relihijnych simvałaŭ na pracoŭnym miescy. Rašeńni Jeŭrapiejskaha suda abskardžańniu nie padlahajuć, piša VVS.
«Uviadzieńnie ŭnutranaha rasparadku, jaki zabaraniaje našeńnie bačnych atrybutaŭ, što pakazvajuć palityčnyja, relihijnyja abo fiłasofskija pohlady, nie źjaŭlajecca naŭprostaj dyskryminacyjaj», — havorycca ŭ rašeńni suda.
Pry hetym kali ŭ kampanii niama zabarony na našeńnie relihijnych atrybutaŭ, to paturańnie klijentam, jakija nie žadajuć, kab ich absłuhoŭvali rabotniki ŭ chidžabach, užo budzie źjaŭlacca dyskryminacyjaj z boku pracadaŭcy, pastanaviŭ sud.
Padstavaj dla sudovaha razboru staŭ pazoŭ žycharki Bielhii Samiry Ašbity, jakaja pracavała sakratarkaj u adnoj ź miascovych kampanij, pakul jaje nie zvolnili za źjaŭleńnie na pracy ŭ musulmanskaj hałaŭnoj chustcy. Ašbita paličyła, što jaje pravy byli parušanyja i padała pazoŭ.
U šerahu jeŭrapiejskich krain u hramadskich miescach zabaronienaje musulmanskaje adzieńnie, jakoje zakryvaje tvar. Letaś u Francyi zabaranili kupalniki «burkini», jakija zakryvajuć usio cieła.
Kamientary