Uroki pałavoha vychavańnia pavinny być abaviazkovymi va ŭsich škołach Anhlii, abviaściŭ brytanski ŭrad. Usim dzieciam va ŭzroście ad čatyroch hadoŭ buduć vykładać asnovy biaśpiečnych i zdarovych uzajemaadnosin, skazała ministr adukacyi Džaścin Hryninh.
Dziaciej bolš starejšaha ŭzrostu buduć vučyć asnovam seksualnaha žyćcia, ale baćki buduć mieć prava admovicca ad takich zaniatkaŭ, paviedamlaje VVS.
Da hetaha času seksualnaja aśvieta była abaviazkovaj tolki ŭ dziaržaŭnych škołach Anhlii, jakija padparadkoŭvajucca miascovym radam.
Školnikam buduć nie tolki raspaviadać ab tym, jak padtrymlivać zdarovyja intymnyja adnosiny, ale i, naprykład, tłumačyć niebiaśpieku sekścinhu (abmienu paviedamleńniami seksualnaha charaktaru), internet-parnahrafii i seksualnych damahańniaŭ.
«Narmatyŭnaja instrukcyja pa pałavym vychavańni školnikaŭ, zaćvierdžanaja ŭ 2000 hodzie, stanovicca ŭsio bolš sastarełaj, — havorycca ŭ piśmovym zajavie ministra adukacyi. — Jana nie ŭ stanie vyrašać prablemy abarony dziaciej ad novych ryzyk, jakija raspaŭsiudzilisia za minułyja 17 hadoŭ — takich jak kibierbulinh, sekścinh, i inšych niebiaśpiek u internecie».
Jak i raniej, baćki buduć mieć prava vyzvalić svaich dziaciej ad urokaŭ pałavoha vychavańnia.
Administracyja škoł taksama budzie mieć prava sama vyrašać, jak vykładać hetyja pradmiety, i raspracoŭvać kompleksny padychod z ulikam patreb i tradycyj miascovaj supolnaści. Relihijnyja škoły, jak i raniej, mohuć davać seksualnuju adukacyju ŭ adpaviednaści z pryncypami ich vieravyznańnia.
Ciapier čytajuć
Staŭ viadomy poŭny śpis 18 fihurantaŭ «małočnaj spravy», padzielnikaŭ ministra Bryło i bratoŭ Skitavych6
Staŭ viadomy poŭny śpis 18 fihurantaŭ «małočnaj spravy», padzielnikaŭ ministra Bryło i bratoŭ Skitavych
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy66
Kamientary