Biełaruś anulavała ŭkrainskamu piśmieńniku Siarhieju Žadanu zabaronu na ŭjezd u krainu. Rašeńnie było pryniataje ciaham niekalkich hadzin.
«Toje, što pytańnie pazytyŭna vyrašyłasia, heta dobraje śviedčańnie, što supiarečańniaŭ pamiž nami niama. Vielmi raźličvaju na toje, što heta nie tendencyja, a vypadak» — prakamientavaŭ radyjo «Svaboda» Siarhiej Žadan.
Piśmieńnik raspavioŭ, što ź im sustreŭsia pradstaŭnik MZS Biełarusi i zabraŭ jaho pašpart. «Mnie paabiacali, što dakumient chutka viernuć — z admienaj zabarony na ŭjezd», — patłumačyŭ Žadan.
Nahadajem, Siarhiej Žadan, jaki pryjechaŭ na knižnuju vystavu ŭ Minsk i Stralcoŭski paetyčny fest, byŭ unačy zatrymany siłavikami ŭ svaim pakoi ŭ hateli. Pryčyna — znachodžańnie ŭ rasijskim «čornym śpisie» z farmuloŭkaj «za datyčnaść da terarystyčnaj dziejnaści».
Žadan pravioŭ noč u kamiery i atrymaŭ zabaronu na ŭjezd u Biełaruś na niavyznačany termin.
Uranku biełaruskija tvorčyja sajuzy zapatrabavali admieny departacyi Siarhieja Žadana.
Ukraina zajaviła pratest, kiraŭniki MZS Biełarusi i Ukrainy abmierkavali situacyju nakont departacyi Žadana.
Žadan samy značny piśmieńnik Ukrainy na siońnia. Jon i prazaik, i paet, i muzyka. Heta najbolš pierakładany na zamiežnyja movy tvorca.
Tak stałasia, što Žadan rodam z Łuhanska i tamu nie maŭčaŭ — u svajoj tvorčaści i intervju — adnosna taho, što tam rabiłasia. Ale jon čysty piśmieńnik i nikoli nie braŭ u ruki zbroi.
Minuły raz, uletku 2016 hoda, Žadan spakojna pryjazdžaŭ i čytaŭ svaje vieršy na mienskich placoŭkach.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia20
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary