Zajava biełaruskich hramadskich arhanizacyj z pryčyny departacyi Siarhieja Žadana
Šerah biełaruskich hramadskich arhanizacyj vystupiŭ z zajavaj z pryčyny departacyi ŭkrainskaha piśmieńnika Siarhieja Žadana, paviedamlaje sajt niedziaržaŭnaha Sajuza biełaruskich piśmieńnikaŭ
U noč z 10 na 11 lutaha 2017 hoda pravaachoŭnymi orhanami Biełarusi ŭ numary minskaha hatelu «Jubilejny» byŭ zatrymany viadomy ŭkrainski piśmieńnik Siarhij Žadan, jaki pryjechaŭ uziać udzieł u VI Mižnarodnym paetyčnym fiestyvali pamiaci Michasia Stralcova «Vieršy na asfalcie».
Z farmuloŭkaj «za pričastnosť k tierrorističieskoj diejatielnosti» Siarhij Žadan byŭ źmieščany ŭ milicejski pastarunak, dzie pravioŭ reštu nočy. Vynikovym rašeńniem milicyi stałasia zabarona piśmieńniku na ŭjezd na terytoryju Respubliki Biełaruś na niavyznačany termin i patrabavańnie pakinuć miežy krainy ciaham 72 hadzin.
Padstavaj dla zatrymańnia i departacyi Siarhija Žadana było nazvanaje pahadnieńnie pamiž Biełaruśsiu i Rasijskaj Fiederacyjaj, pavodle jakoha asoby, «niepažadanyja» dla ŭjezdu ŭ RF, aŭtamatyčna źjaŭlajucca piersonami non-hrata i ŭ Biełarusi.
Vykazvajem abureńnie z pryčyny haniebnaha zatrymańnia pavažanaha hościa i daŭniaha siabra Biełarusi Siarhija Žadana. Pierakananyja, što padobnyja dziejańni ŭładaŭ śviedčać pra niesamastojnaść u pryniaćci važnych rašeńniaŭ, jakija nie tolki nie adpaviadajuć intaresam niezaležnaj Biełarusi, ale i nanosiać niepapraŭnuju škodu imidžu našaj suvierennaj dziaržavy, a taksama staviać pad pytańnie rolu Biełarusi jak niejtralnaj placoŭki dla pieramovaŭ u rasijska-ŭkrainskim kanflikcie.
Źviartajemsia da kampietentnych orhanaŭ dziaržaŭnaj ułady z patrabavańniem skasavać rašeńnie ab departacyi i zabaronie na ŭjezd Siarhiju Žadanu, vykazać jamu aficyjnyja prabačeńni i zrabić adpaviednyja zachady dla praduchileńnia padobnych incydentaŭ u budučym.
Sajuz biełaruskich piśmieńnikaŭ
Biełaruski PEN-Centr
Biełaruskaja asacyjacyja žurnalistaŭ
Biełaruski Kalehijum
«Latučy Univiersitet»
-
Paŭłu Mickieviču, jaki źjechaŭ ź Biełarusi jašče ŭ 2000-ch, zavočna prysudzili piać hadoŭ kałonii
-
Zvarščyk z Oršy zahinuŭ na vajnie. Žonka dva hady biłasia za hrabavyja — i ŭsio ž vybiła ich
-
Uźbiek prylacieŭ pracavać u Biełaruś, ale nie znajšoŭ tut pracy. Viartaŭsia dadomu jon z dapamohaju dypłamataŭ i na mylicach
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku20
Kamientary