Ź Biełarusi departujuć ukrainskaha piśmieńnika Siarhieja Žadana, bo Rasija ličyć jaho datyčnym da teraryzmu
Abnoŭlena: Biełaruś admianiła zabaronu na ŭjezd Siarhieju Žadanu
* * *
Ukrainski piśmieńnik Siarhiej Žadan, jaki pryjechaŭ na knižnuju vystavu ŭ Minsk i Stralcoŭski litaraturny fest, byŭ zatrymany siłavikami. Pryčyna — znachodžańnie ŭ rasijskim «čornym śpisie» z farmuloŭkaj «za datyčnaść da terarystyčnaj dziejnaści». Žadan pravioŭ noč u kamiery i atrymaŭ zabaronu na ŭjezd u Biełaruś na niavyznačany termin.
«A voś viasiołaja historyja, jakaja adbyłasia sa mnoj siońnia ŭ Minsku. Kala dvuch nočy da mianie ŭ haściničny numar nalacieŭ milicejski patrul — surjozny i zasiarodžany. Ničoha nie tłumačačy, dastavili ŭ pastarunak, pačali prabivać pa bazie, ničoha nie znajšli. Pazvanili ŭ KDB. Tam im paraili jechać u inšaje adździaleńnie, Leninskaje. U Leninskim znoŭ prabivali pa bazie, narešcie, patłumačyli - akazvajecca, mnie jašče ŭ 2015-m zabaronieny ŭjezd na terytoryju RF (jakaja prykraść) z farmuloŭkaj «za datyčnaść da terarystyčnaj dziejnaści». A pakolki Biełaruś i Kazachstan znachodziacca z RF u adnoj vizavaj zonie (nie pašancavała), to zabarona aŭtamatyčna pierachodzić i da Biełarusi z Kazachstanam. I kali niemahčymaść patrapić u Kazachstan ja jašče niejak pieražyvu, to za Biełaruś kryŭdna. Načavać pryjšłosia ŭ kamiery. Ranicaj doŭha pisali tłumačalnyja, raspytvali pra teraryzm. U rešcie rešt, pastavili štamp ab zabaronie ŭjezdu ŭ Biełaruś na niavyznačany termin.
I voś što ja dumaju. Darahija siabry z MZS i pasolstva Ukrainy ŭ Biełarusi, heta ž niapravilna, kali ŭkrainskich paetaŭ aryštoŭvajuć biez tłumačeńnia i trymajuć u kamiery biez pryčyny? Pravilna ž? Moža niejak adreahujecie? Davajcie, skažam, razarviem ź imi dypłamatyčnyja adnosiny. Abo abjavim im Kryžovy pachod. Kali łasačka», — napisaŭ jon u fejsbuku.
* * *
Dyńko: Departacyja Žadana — hańba i pakazčyk, nakolki abmiežavany suvierenitet Biełarusi siońnia
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary