Top-7 apazicyjnych kandydataŭ, jakija mahli b pieramahčy ŭ rehijonach
«Naša Niva» ŭvažliva prahledzieła śpisy imaviernych kandydataŭ u deputaty pałaty pradstaŭnikoŭ u rehijonach krainy. Chto b z apazicyjnych kandydataŭ pry spraviadlivaj baraćbie moh zmahacca za prachod u parłamient?
1. Alena Anisim (TBM – akruha №70 «Staŭbcoŭskaja»)
Letaś usurjoz razhladaŭsia varyjant, što Alena Anisim budzie vyłučana kandydatam u prezidenty ad Tavarystva biełaruskaj movy, adnak u apošni momant ad takoj inicyjatyvy było vyrašana admovicca. Anisim pracuje ŭ Instytucie movaznaŭstva imia Jakuba Kołasa pry Akademii navuk. Supiernikam Anisim budzie dyrektar Niaśvižskaha dziaržaŭnaha kaledža Alena Žuraŭleva. Cikava, što niaśvižski kaledž taksama nosić imia Jakuba Kołasa. Staŭbcoŭščyna – radzima vialikaha paeta.
2. Volha Damaskina (Ruch «Za Svabodu» – akruha №27 «Połackaja haradskaja»)
Udzieł u vybarčaj kampanii dla spadaryni Damaskinaj kaštavaŭ pracy. Apošnija čatyry hady jana pracavała zahadčycaj u filijale Nacyjanalnaha Połackaha historyka-kulturnaha muzieju-zapaviedniku — Muziei tradycyjnaha ručnoha tkactva Paazierja. Kali stała viadoma, što Damaskina choča iści parłamient, to dyrektarka muzieju Tamara Džumantajeva paviedamiła, što kantrakt z supracoŭnicaj bolej padaŭžacca nie budzie. Kampanija Volhi Damaskinaj u Połacku prachodzić vielmi aktyŭna.
3. Andrej Dźmitryjeŭ («Havary praŭdu» – akruha №71 «Dziaržynskaja»)
Lidar «Havary praŭdu» amal kožny dzień u svaim fejsbuku pościć uražańni ad sustreč ź ludźmi, pajezdki pa vioskach Dziaržynskaha rajona. Śmieła možna kazać, što kampanija Dźmitryjeva – adna z najbolš raskručanych. Prynamsi ludzi dakładna pavinny zapomnić hetaha kandydata.
4. Siarhiej Kalakin («Spraviadlivy śviet» – akruha №25 «Aršanskaja haradskaja»)
Kiraŭnik partyi apazicyjnych kamunistaŭ Siarhiej Kalakin pryniaŭ rašeńnie bałatavacca nie ŭ stalicy, a ŭ Oršy. Kalakin kaža, što stavić za metu procistajańnie falsifikacyjam, a taksama žadaje viarnuć ludziam pačućcio ŭłasnaj hodnaści. Kalakin užo pieramahaŭ na parłamienckich vybarach, jon byŭ deputatam Viarchoŭnaha savieta XIII sklikańnia.
5. Ivan Šeha (BNF – akruha №58 «Słonimskaja»)
Niezaležnyja ekzit-poły davali, što Ivan Šeha pieramahaŭ na vybarach 2008 hoda ŭ Słonimie. Navat pavodle aficyjnych dadzienych, Šehu napisali amal 30%. U Słonimie jon karystajecca pavahaj, Šeha — šanavany lekar-traŭmatołah. Z pracy jaho zvolnili jak tolki spoŭniłasia 60 hadoŭ, chacia kvalifikavanych traŭmatołahaŭ nie mieli. Tym nie mienš, Šeha zasnavaŭ pryvatnaje pradpryjemstva «Šehamiedkansultant».
6. Andrej Jurkoŭ (Ruch «Za Svabodu» – akruha №82 «Horackaja»)
Na vybarach-2012 Andrej Jurkoŭ pieramahaŭ padčas hałasavańnia ŭ asnoŭny dzień, ale sastupaŭ siarod tych, chto prahałasavaŭ daterminova. Toje samaje było i ŭ 2008. Jurkoŭ – mocny rehijanalny lidar, pra jaho viedajuć žychary Horackaha i Drybinskaha rajona, jamu daviarajuć. Ciapier Jurkoŭ pracuje śpiecyjalistam pa markietynhu ŭ sielskahaspadarčaj akademii.
7. Iryna Jaskievič (AHP – akruha №20 «Viciebskaja-Kastryčnickaja»)
Adna z samych śmiełych pradprymalnic krainy. Jaskievič nie z tych, chto adsiedžvajecca i čakaje, a zaŭsiody rašuča dziejničaje. Jaje viedajuć ułady nie tolki ŭ rodnym Viciebsku, ale i Minsku. Jaskievič aktyŭna sprabuje dahrukacca da ludziej, choć i pryznaje, što bolšaść stavicca da vybaraŭ absalutna abyjakava.
* * *
Čytajcie taksama:
Top-10 apazicyjnych kandydataŭ u deputaty, jakija mahli b pieramahčy ŭ Minsku
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary