Muž pamierłaj u raddomie Maładziečna žančyny: My budziem damahacca taho, kab vinavatych pakarali
Trahiedyja, kali ŭ raddomie pamierła maładaja žančyna, adbyłasia nočču 5 krasavika.
Staršy śledčy Maładziečanskaha RASK Jury Bahuševič raskazaŭ «Rehijanalnaj haziecie», što fakt hibieli jość:
– Ale bolš nijakich kamientaroŭ na hety kont. Ciapier pravodzicca pravierka, kryminalnaja sprava pakul nie raspačataja.
Muž pamierłaj žančyny raskazaŭ «Rehijanalnaj haziecie», što zaraz u Minsku na praciahu miesiaca budzie pravodzicca ekśpiertyza, vyniki jakoj pieradaduć u Śledčy kamitet Maładziečna.
– Nas zapeŭnili ŭ samym daskanałym jaje praviadzieńni. I pa vynikach usiaho buduć prymianiacca niejkija dziejańni. My prykładziom usie siły, kab znajści praŭdu i spraviadlivaść. I kali buduć vyjaŭlenyja vinavatyja, to i ŭsie namahańni, kab jany panieśli pakarańnie i bolš takoha žachu ŭ nas u horadzie nie adbyvałasia. Radzilnia – heta miesca dzie naradžajecca ščaście i cud, a nie miesca bolu i strat.
Na siońnia viadoma, što pamierłaj žančynie było 28 hadoŭ, naradziła jana chłopčyka. Chłopčyk zdarovy:
– Tak, naša soniejka ŭ paradku, taki charošańki mały, budziem spadziavacca, što ŭsio budzie vydatna ź im i zabiarem jaho dadomu zdarovaha!
Kamientary