«Historyja Biełarusi ŭ apaviadańniach pavodle padańniaŭ i lehiend» — tak akreślivaje žanr knihi sam aŭtar. Kastusia Ćvirku — litaratara i movaznaŭcu — natchniała ŭsia historyja Biełarusi, ad sychodu ledavika da abviaščeńnia niezaležnaści.
Ale najbolš źmieščanych «na skryžalach» mastacka-histaryčnych narysaŭ pryśviečana Siaredniaviečču – časam Połackaha kniastva i VKŁ dy hierojam tych časoŭ.
Pra dalokuju epochu aŭtar piša ź bieskampramisnaj biełarusacentryčnaściu: «Biełarusy ŭ Kulikoŭskaj bitvie», «Jak biełarusy vyzvalali Ukrainu ad tatar», «Vajna Vitaŭta za niezaležnaść Biełarusi», «Zavajova biełarusami Kryma» – nazvy adpaviednych narysaŭ kažuć sami za siabie. Pry kancy knihi — ceły histaryčny raman «Januš Radzivił, abo Vajna z Maskovijaj».
Knihu Kastusia Ćvirki možna pastavić na adnu palicu z vydańniami Leanida Dajnieki i Vitaŭta Čaropki, pobač z tvorami Mikoły Jermałoviča.
Jak i apošni, Ćvirka časta addaje pieravahu publicystyčnaści. Asabliva ŭ pisańni ab prablemnych momantach — kštałtu pytańniaŭ supolnaj biełaruska-litoŭskaj histaryčnaj spadčyny.
Kniha vyjšła ŭ papularnaj sieryi «Nieviadomaja historyja», zasnavanaj Anatolem Tarasam.
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak6
Kamientary