«Гісторыя Беларусі ў апавяданнях паводле паданняў і легенд» — так акрэслівае жанр кнігі сам аўтар. Кастуся Цвірку — літаратара і мовазнаўцу — натхняла ўся гісторыя Беларусі, ад сыходу ледавіка да абвяшчэння незалежнасці.
Але найбольш змешчаных «на скрыжалях» мастацка-гістарычных нарысаў прысвечана Сярэднявеччу – часам Полацкага княства і ВКЛ ды героям тых часоў.
Пра далёкую эпоху аўтар піша з бескампраміснай беларусацэнтрычнасцю: «Беларусы ў Кулікоўскай бітве», «Як беларусы вызвалялі Украіну ад татар», «Вайна Вітаўта за незалежнасць Беларусі», «Заваёва беларусамі Крыма» – назвы адпаведных нарысаў кажуць самі за сябе. Пры канцы кнігі — цэлы гістарычны раман «Януш Радзівіл, або Вайна з Масковіяй».
Кнігу Кастуся Цвіркі можна паставіць на адну паліцу з выданнямі Леаніда Дайнекі і Вітаўта Чаропкі, побач з творамі Міколы Ермаловіча.
Як і апошні, Цвірка часта аддае перавагу публіцыстычнасці. Асабліва ў пісанні аб праблемных момантах — кшталту пытанняў супольнай беларуска-літоўскай гістарычнай спадчыны.
Кніга выйшла ў папулярнай серыі «Невядомая гісторыя», заснаванай Анатолем Тарасам.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода12
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве44
Каментары