U Čarnihaŭskaj vobłaści spynili vypusk kakavavaha parašku i aŭsianych šmatkoŭ pad brendam «Kamunarka»
Kantrafaktnaja pradukcyja pad brendam «Kamunarka» vyrablałasia va Ukrainie ŭ antysanitarnych umovach, raspaviała ŭ efiry telekanała «Biełaruś 1» namieśnik hienieralnaha dyrektara SAAT «Kamunarka» Taćciana Sajhanova.
Taćciana Sajhanava patłumačyła, što ŭpakoŭka, jakuju vykarystoŭvali dva padpolnyja cechi, jakija vypuskali kakavavy parašok i aŭsianyja šmatki pad brendam «Kamunarka», padobnaja na aryhinalnuju. «U nas na pradpryjemstvie ŭ kožnaha cecha svoj koler markiroŭki. Navat takaja drobiaź była padroblena. Koler markiroŭki šakaładnaha cecha, jaki ŭ nas vyrablaje kakavavy parašok, sapraŭdy, karyčnievy. Adnak infarmacyja na markiroŭcy sastarełaja — joju karystalisia da śniežnia 2014 hoda. Adrazu kidajecca ŭ vočy, što ŭ cechach antysanitaryja: pradukcyja staić na padłozie «, — skazała Taćciana Sajhanava.
Apieratyŭnaja infarmacyja pra toje, što na terytoryi Ukrainy dziejničaje padpolnaja arhanizacyja, jakaja niezakonna vypuskaje pradukcyju pad brendavaj markaj «Kamunarka», pastupiła ŭ 2014 hodzie.
Źviestki byli pravieranyja supracoŭnikami pravaachoŭnych orhanaŭ pry sadziejničańni pradstaŭnikoŭ SAAT «Kamunarka», Interpoła ŭ Biełarusi, ukrainskich kalehaŭ. U vyniku praviedzienaj pracy supracoŭniki ŭpraŭleńnia pa baraćbie z ekanamičnaj złačynnaściu UMUS Ukrainy ŭ Čarnihaŭskaj vobłaści spynili dziejnaść pa vytvorčaści prysmakaŭ, jakija vydavali za pradukcyju kampanii «Kamunarka». Dalejšyja pravieračnyja mierapryjemstvy na terytoryi Čarnihaŭskaj vobłaści dapamahli vyjavić zavod, jaki składaŭsia z dvuch cechaŭ pa vytvorčaści kantrafaktnaj pradukcyi (kakavavy parašok i aŭsianyja šmatki) i jaki vykarystoŭvaŭ hety brend. Pry praviadzieńni pieratrusaŭ u vytvorčych i składskich pamiaškańniach padpolnaj vytvorčaści apieratyŭniki kanfiskavali hatovuju pradukcyju, abstalavańnie i syravinu na ahulnuju sumu bolš za 2 młn hryŭniaŭ (amal Br1,5 młrd).
Akramia taho, u ofisnych pamiaškańniach byli znojdzienyja padroblenyja buchhałtarskija dakumienty, piačatki i štampy, etykietki sa znakami dla tavaraŭ i pasłuh «Kamunarka».
U dačynieńni da padazronych asob raspačata kryminalnaja sprava pa č.3 art.229 KK Ukrainy (niezakonnaje vykarystańnie znaka dla tavaraŭ i pasłuh, firmavaha najmieńnia, kvalifikavanaha ŭkazańnia pachodžańnia tavaru). Rasśledavańnie praciahvajecca.
Kamientary