U Hroznym adbyłasia viasielle čačenskaha palicejskaha Nužuda Hučyhava z 17-hadovaj Łuizaj Hajłabijevaj.
«Abjaŭlaju vas mužam i žonkaj. Vam uručajecca vaš pieršy siamiejny dakumient», — cytuje «Havoryć Maskva» supracoŭnika hroźnienskaha zahsa.
Infarmacyja pra zapłanavanaje viasielle 46-hadovaha Hučyhava z 17-hadovaj Łuizaj Hajłabijevaj (u niekatorych publikacyjach jana fihuravała pad «chatnim» imiem Chieda) źjaviłasia ŭ «Novaj haziecie» ŭ krasaviku. Pry hetym paviedamlałasia, što ŭ Hučyhava ŭžo jość adna žonka.
Pavodle fotakarespandenta Siarhieja Panamarova, pierad šlubam pradstaŭnik zahsa skazała, što štampa ab žanićbie u Hučyhava ŭ pašparcie niama.
Žurnalisty śćviardžali, što dziaŭčyna nie choča ŭstupać u šlub, adnak baćki pahadzilisia vydać jaje zamuž paśla pahroz z boku Hučyhava. Ułady Čačni hetuju infarmacyju abvierhli. U toj ža čas aficyjnych kamientaroŭ z nahody ciapierašniaha siamiejnaha stanovišča Hučyhava nie było.
Raniej Ramzan Kadyraŭ zajaviŭ, što skandał vakoł płanujemaha viasiella 17-hadovaj čačenskaj dziaŭčyny Łuizy Hajłabijevaj i kiraŭnika Nažaj-Jurtaŭskaha RAUS Nužuda Hučyhava zamoŭleny «niejkimi haspadarami libierałami».
Kamientary