Viasiella kiraŭnika načalnika RAUS Nažaj-Jurtaŭskaha rajona Čačni Nužuda Hučyhava z 17-hadovaj Łuizaj (Chiedoj) Hajłabijevaj nie było, paviedamiŭ radyjostancyi «Havoryć Maskva» pres-sakratar kiraŭnika respubliki Alvi Karymaŭ.
Rośsija siehodnia
Raniej u presie źjaviłasia infarmacyja pra nibyta zapłanavanaje na 10 maja viasielle 46-hadovaha Hučynava z 17-hadovaj Łuizaj Hajłabijevaj (u niekatorych publikacyjach jana fihuravała pad «chatnim» imiem Chieda). Pry hetym paviedamlałasia, što ŭ Hučyhava ŭžo jość adna žonka.
Žurnalisty śćviardžali, što dziaŭčyna nie choča ŭstupać u šlub, adnak baćki pahadzilisia vydać jaje zamuž paśla pahroz z boku Hučyhava.
Situacyju prakamientavaŭ kiraŭnik respubliki Ramzan Kadyraŭ, zajaviŭšy, što nijakich piarečańniaŭ ni z boku niaviesty, ni z boku jaje baćkoŭ nie pastupała.
«Nijakaha viasiella pamiž hetaj dziaŭčynaj i hetym čałaviekam u Čačenskaj respublicy nie było. Niama pradmieta razmovy.
Darosłaja dziaŭčyna, jakaja ŭžo škołu skončyła, maje prava i zamuž vyjści, i što zaŭhodna», — skazaŭ u paniadziełak pres-sakratar Kadyrava.
U svaju čarhu ŭpaŭnavažany pa pravach dziaciej pry prezidencie Rasii Pavieł Astachaŭ zajaviŭ, što «ŭ vypadku z» čačenskaj niaviestaj «šerah faktaŭ byŭ skažony, nazvanyja niasłušnyja imiony i bijahrafičnyja źviestki».
Jon adznačyŭ, što publikacyi ŭ ŚMI praviaraŭ upaŭnavažany pa pravach dziciaci ŭ Čačni Chamzat Chirachmataŭ.
«Hałoŭnaje — ni baćki (jakija źjaŭlajucca zakonnymi pradstaŭnikami dziaŭčyny), ni jana sama, ni inšyja svajaki nie źviartalisia pa dapamohu i nie paćvierdzili rastyražavanych dadzienych ab «prymusie, hvałcie, parušeńni pravoŭ «niepaŭnaletniaj», — dadaŭ Astachaŭ.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie3
Kamientary