Jak by vy pahladzieli na «Matrycu», kali b u roli Nea byŭ Uił Śmit, a ŭ roli Marfieja — Šon Konery?
Amal zaŭsiody na adnu rolu razhladajecca šerah akcioraŭ. Niechta nie padychodzić pad bačańnie piersanaža, niechta nie zhadžajecca z kantraktam, niechta pakidaje adzin prajekt dziela inšaha. Ale ab niekatorych stračanych rolach akciory potym škadujuć. A niekatorych i ciažka ŭjavić u jakaści prapanavanych im piersanažaŭ.
Naprykład, u «Matrycy» rolu Nea moh uziać Uił Śmit, ale pramianiaŭ jaje na pracu ź filmam «Dziki, dziki zachad».
A Šon Konery pretendavaŭ jak na rolu Marfieja, tak i na rolu Hendalfa va «Uładary piarścionkaŭ».
«Mocny arešak» mieŭsia stać praciaham «Kamanda» z Arnoldam Švarcenehieram. Ale apošni admoviŭsia ad praciahu, a film transfarmavaŭsia ŭ šmatsieryjnuju vizitoŭku Brusa Uilisa. Ale na jaho miescy mahli akazacca Silviestr Stałone, Ryčard Hir, Meł Hibsan, Harysan Ford i navat Bart Rejnalds.
U svaju čarhu Stałone pretendavaŭ na miesca Harysana Forda ŭ «Zornych vojnach». Taksama Chanam Soła moh stać Al Pačyna.
Akramia taho, Stałone i Hibsan pretendavali na hałoŭnuju rolu ŭ «Terminatary». Stałone ŭsio ž staŭ Terminataram, ale ŭ paralelnym suśviecie filma «Apošni kinahieroj» — u tym samym, dzie hieroj Švarcenehiera nie akcior, a sapraŭdny palicejski-supierhieroj.
Robin Uiljams moh stać Džokieram u biortanaŭskim «Betmenie». Vidać, miełanchaličnym takim Džokieram.
Bił Miurej i Džon Travołta mahli stać Forestam Hampam, ale rola dastałasia Tomu Chenksu.
A ŭ «Tytaniku» hałoŭnyja roli mahli dastacca Džeremi Sista i Hvinet Pełtroŭ.
Žaleznym čałaviekam Toni Starkam mahli stać Nikałas Kiejdž i Cimaci Olifant.
A Mišel Pfajfier mahła by atrymać «Oskar» Džodzi Foster, kali b nie paličyła film «Maŭčańnie jahniat» nadta žorstkim dy kryvavym.
Kamientary