Klip adnanohaj śpiavački za vychodnyja prahladzieli 8 młn raz VIDEA
«Novy kštałt pop-artysta», — kaža nadpis na pačatku klipa «Prototype» madeli-invalida Viktoryi Madesty. Videa pakazaŭ u prajm-tajm brytanski telekanał Channel 4, za vychodnyja klip nabrała šalonuju papularnaść na Facebook.
Šaścichvilinny rolik nahadvaje klipy Łedzi Haha. Videašerah z namiokami na dyktatarski režym i stužku «V značyć viendeta» pačynajecca pad matyŭ ustupu «Show Must Go On» hurta Queen, sama ža pieśnia vykananaja ŭ modnym styli R'n'B.
Klip «Prototype» pakazali pa Channel 4 ŭ pierapynku šoŭ X-Factor, jaki hladziać blizu 10 miljonaŭ čałaviek, adznačaje The Guardian. Pakaz rekłamy ŭ hetym pierapynku kaštuje 200 tysiač funtaŭ.
Madesta raspaŭsiudžvaje manifiest: niekatoryja narodžanyja, kab być inšymi, niekatoryja narodžanyja, kab ryzykavać.
«Pieraadoleńnie invalidnaści ŭ sporcie robić čałavieka hierojem, ale ŭ pop-kultury niama miesca takim pačućciam», — kaža jana.
Sama Madesta nazyvaje siabie «pieršym u śviecie bijaničnym artystam» i z honaram raspaviadaje pra raznastajnyja pratezy, jakija nie tolki nie zaminajuć joj ruchacca, ale i pakidajuć jaje seksualnaj.
***
Viktoryja Maskalova Madesta naradziłasia ŭ Daŭhaŭpiłsie (Łatvija) u 1988 h. Praź niadbajnaść daktaroŭ z naradžeńnia mieła traŭmu nahi, u 2007 hodzie pahadziłasia na amputacyju.
Z 15 hadoŭ była madellu. Jaje partret u styli niu pradstaŭlaŭsia ŭ łondanskaj Nacyjanalnaj partretnaj halerei, jana zdymałasia ŭ klipach Paloma Faith i Peaches. U 2009 hodzie zapuściła muzyčny prajekt ź Nikam Chodžesam. Debiutny samotnik «Only You» vypuściła ŭ mai 2009 hoda. Na cyrymonii zakryćcia Paralimpijady ŭ Łondanie vystupała z pratezam nahi, upryhožanym kryštalami Swarovski.
Ciapier čytajuć
Maładoj mamie z Navahrudka dali 6 hadoŭ za karupcyju. Jana dakazała svaju nievinavataść — ale kali ŭžo adsiedzieła1
Kamientary