Infarmacyjna-analityčny centr pry Administracyi ŭznačaliŭ były žurnalist niezaležnaha vydańnia Alaksiej Dzierbin
Siońnia Alaksandr Łukašenka vyzvaliŭ Alaksandra Bazanava z pasady dyrektara Infarmacyjna-analityčnaha centra pry Administracyi prezidenta (uznačalvaŭ z 2010-ha). Pryčyny zvalnieńnia nie nazyvajucca.
Novym kiraŭnikom centra staŭ 39-hadovy Alaksiej Dzierbin. Pra hetaha čałavieka nie tak mnoha źviestak. Viadoma, što naradziŭsia ŭ Minsku ŭ 1975-m hodzie. Skončyŭ jurfak BDU. Byłyja studenty kažuć, što zapomnili jahonuju frazu: «Ja nikoli nie budu ŭdzielničać u finansavych hulniach ź dziaržavaju».
Admietna, što peŭnyja pieryjad (1997-1998) jon adpracavaŭ zahadčykam adździeła prava ŭ niezaležnym vydańni «Biełaruski rynak».
Zasnavalnik i hałoŭny redaktar haziety Viačasłaŭ Chadasoŭski nie zmoh ničoha zhadać pra svajho było padnačalenaha. «Tak daŭno było. I nie zaŭvažny jon zusim byŭ», - kaža Chadasoŭski.
Pracavaŭ u Mižbankaŭskaj valutnaj biržy, juryskonsultam «Biełhazprambanku», a taksama na jurfaku BDU, dzie vykładaŭ «Finansavaje prava».
Apošnim miescam pracy Alaksieja Dzierbina, jakoje jość u adkrytych krynicach, značycca – namieśnik kiraŭnika Instytuta pravavych daśledvańniaŭ pry Nacyjanalnym centry zakanadaŭčych i pravavych daśledavańniaŭ Respubliki Biełaruś.
U knižnaj pałacie Biełarusi jość niamała spasyłak na navukovyja pracy Alaksieja Dzierbina.
U funkcyi Infarmacyjna-analityčnaha centra ŭvachodzić zabieśpiačeńnie Alaksandra Łukašenki i Administracyi prezidenta sacyjałahičnaj infarmacyjaj. Na sajcie napisana, što IAC zajmajecca «farmiravańniem stratehičnych nakirunkaŭ dziaržaŭnaj palityki».
Viedamstva ŭ roznyja hady ŭznačalvali Nina Špak i Aleh Pralaskoŭski.
U namieśnikach u Bazanava byŭ «zachodnierus», zmahar ź biełaruskaj movaj i nacyjanalizmam i prychilnik adzinstva «tryadzinaha ruskaha naroda» Leŭ Kryštapovič.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary