«Jeŭrabačańnie»-2014 skončyłasia tryumfam Aŭstryi. Pieršaje miesca pa vynikach hałasavańnia telehledačoŭ i žury atrymaŭ aŭstryjec Tomas Nojvirt, viadomy pad psieŭdanimam Kančyta Vurst.
Heta byŭ samy epatažny i skandalny vystup konkursa. «Žančynaj z baradoj» achoŭniki marali aburajucca ŭžo niekalki miesiacaŭ, ale jeŭrapiejcy simpatyzujuć frykam. Jak vynik — hihanckija 290 bałaŭ. Nastupnaje «Jeŭrabačańnie» pryjedzie ŭ Vienu.
Druhoje miesca dastałasia Niderłandam, treciaje — u Šviecyi.
A voś biełarus Tea (Juryj Vaščuk) zaniaŭ 16-je miesca, jak i letaś Alona Łanskaja.
* * *
Tom Nojvirt naradziŭsia 6 listapada 1988 hoda ŭ horadzie Hmunden.
U 2006 hodzie Tom Nojvirt prymaŭ udzieł u trecim siezonie aŭstryjskaha kastynh-šou dla pačatkoŭcaŭ pop-vykanaŭcaŭ. U hety ž čas jon zrabiŭ kaminh-aut jak hiej. Tom zaniaŭ u tym konkursie druhoje miesca. U 2007 hodzie jon zasnavaŭ pop-rok boj-bend Jetzt anders!, jaki praisnavaŭ niekalki miesiacaŭ.
Śpiavak atrymaŭ papularnaść u sceničnym vobrazie Kančyta Vurst («Vurst» pierakładajecca jak «kaŭbasa»). Ideja ab baradataj žančynie pryjšła jamu ŭ hałavu ŭ suviazi z tym, što ŭ padletkavym uzroście jon sutykaŭsia z dyskryminacyjaj i ckavańniem.
Vobraz Kančyta Vurst staŭ vykazvańniem u abaronu talerantnaści. Tom Nojviert zajaviŭ, što choča, kab novaje pakaleńnie ličyła, što być samim saboj dobra, kab dla ludziej było važna nie toje jak vyhladaje čałaviek ci adkul jon rodam, ale hałoŭnaje — što heta za čałaviek, kab ludzi navučylisia razhladać i šanavać toje, što schavana «za fasadam».
* * *
Finał «Jeŭrabačańnia»-2014: vystupy ŭsich udzielnikaŭ VIDEA
Chto pastaviŭ bały Biełarusi na «Jeŭrabačańni»?
Apytanka
Kamientary