Ukrainskaja ŭłada stvaryła antykryzisny štab, jaki budzie zajmacca sieparatystami na ŭschodzie dziaržavy, u pryvatnaści pravodzić antyterarystyčnyja apieracyi.
Pra heta zajaviŭ v.a. prezidenta, śpikier parłamienta Alaksandr Turčynaŭ ŭ svaim zvarocie z-za situacyi na ŭschodzie.
«Vorahi Ukrainy sprabujuć razyhrać krymski scenar, ale my hetaha nie dapuścim. Siońnia nočču stvorany antykryzisny štab. A suprać tych, chto ŭziaŭ u ruki zbroju, buduć pravodzicca antyterarystyčnyja mierapryjemstvy. Uzmocniena abarona ŭschodniaj miažy našaj krainy», — skazaŭ Turčynaŭ.
Jon dadaŭ, što miascovyja pravaachoŭnyja struktury, uličvajučy pasiŭnaje pavodziny niekatorych ź ich pradstaŭnikoŭ, buduć daŭkamplektavanyja za košt padraździaleńniaŭ ź inšych rehijonaŭ.
Pa pierakanańni Turčynava, kančatkovaja meta Rasii — «destabilizavać situacyju ŭ dziaržavie, zrynuć ŭkrainskuju ŭładu, sarvać vybary i razarvać na kavałki našu krainu».
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma7
Kamientary