Rasijanin, jaki prataraniŭ na «BMV» biełaruskuju miažu, atrymaŭ čatyry hady kałonii

Da 4 hadoŭ pazbaŭleńnia voli ŭ papraŭčaj kałonii va ŭmovach uzmocnienaha režymu pryhavorany 23-hadovy hramadzianin Rasii, jaki na aŭtamabili «BMV» niezakonna pierasiok dziaržaŭnuju miažu Biełarusi. Pryhavor jamu vynies 19 krasavika sud Bresckaha rajona.

Jak paviedamiŭ BiełaPAN Alaksandr Płyšeŭski, jaki padtrymlivaŭ dziaržaŭnaje abvinavačańnie pa spravie, rasijanin, jaki doŭhi čas žyŭ u Hiermanii, 21 studzienia 2013 hoda ŭ aŭtadarožnym punkcie propusku «Damačava» ŭ parušeńnie ŭstanoŭlenaha paradku prachodžańnia mytnaha i pahraničnaha kantrolu niezakonna pierasiok miažu na aŭtamabili «BMV».

«Kirujučy im na vialikaj chutkaści, stvarajučy realnuju niebiaśpieku žyćciu i zdaroŭju ludziej, jakija znachodzilisia ŭ punkcie propusku, małady čałaviek naŭmysna paškodziŭ čatyry šłahbaumy, źniščyŭ jašče adzin komplekt šłahbauma, što stajać na bałansie Bresckaj mytni, paśla čaho skryŭsia», — paviedamiŭ Płyšeŭski.

22 studzienia rasijanin i «BMV» byli znojdzieny ŭ adnym ź sielskich nasielenych punktaŭ Bresckaha rajona. Maładoha čałavieka zatrymali. 25 studzienia ŭ dačynieńni da jaho była abrana miera strymańnia ŭ vyhladzie źniavoleńnia pad vartu.

Razam z koštam rabot pa zamienie i adnaŭleńni paškodžanaj i źniščanaj majomaści abvinavačany pryčyniŭ mytni ŭron, jaki acenieny ŭ 29 młn. 747 tys. 393 rubli. Hetaja suma była kampiensavana im u poŭnym abjomie ŭ chodzie razhladu spravy ŭ sudzie.

Tym nie mienš sud pryznaŭ rasijanina vinavatym pa č. 1 art. 371 (naŭmysnaje niezakonnaje pierasiačeńnie dziaržaŭnaj miažy Respubliki Biełaruś z vykarystańniem miechaničnaha transpartnaha srodku) i č. 2 art. 218 (naŭmysnaje źniščeńnie i paškodžańnie majomaści, učynienaje ahulnaniebiaśpiečnym sposabam, što paciahnuła pryčynieńnie ŭronu ŭ bujnym pamiery) Kryminalnaha kodeksa.

Jak adznačyŭ Płyšeŭski, u chodzie papiaredniaha rasśledavańnia sudovaja psichołaha-psichijatryčnaja ekśpiertyza ŭstanaviła, što małady čałaviek «uśviedamlaŭ charaktar svaich dziejańniaŭ, kiravaŭ imi, u prymianieńni prymusovych mier biaśpieki i lačeńni nie maje patreby».

«U sudovym pasiadžeńni rasijanin pryznaŭ svaju vinu poŭnaściu i raskajaŭsia ŭ zroblenym. Svaje dziejańni rastłumačyŭ tym, što byŭ rasstrojeny z-za straty pracy ŭ Hiermanii, trapiŭšy pad skaračeńnie, svarkaj sa svajoj dziaŭčynaj i maci. Pavodle słoŭ abvinavačanaha, jon jechaŭ u Rasiju, dzie žyvie baćka, z namieram zastacca tam žyć», — dapoŭniŭ dziaržabvinavaŭca.

Pryhavor jašče nie nabyŭ zakonnuju moc i moža być abskardžany.

• 0
• 0
• 0
• 0
• 0
• 0
• 0
• 0