Mitrapalit Minski i Słucki, Ekzarch usiaje Biełarusi, Hieroj Biełarusi.
U Biełarusi Kirył Vachramiejeŭ ad 1978, sam jon ź viadomaha jarasłaŭskaha kupieckaha rodu. U RPC u saviecki čas zajmaŭ dvuchsensoŭnuju pasadu kiraŭnika Adździeła zamiežnych carkoŭnych suviaziaŭ.
Časta sustrakajecca z Alaksandram Łukašenkam. Zasiadaje ŭ prezidyumie Usiebiełaruskich narodnych schodaŭ. Błasłaŭlaje Alaksandra Łukašenku ŭ časie inaŭhuracyj.
Adnak rola carkvy ŭ sistemie zvodzicca da svojeasablivaha «dziaržkamiteta pa spravach kultaŭ». Pravasłaŭnaja carkva pieratvaryłasia ŭ miesca pracaŭładkavańnia masy adstaŭnikoŭ-siłavikoŭ, što apranajuć rasy. Alaksandr Łukašenka adnojčy navat papraknuŭ pravasłaŭnych, što jany nabudavali stolki cerkvaŭ, što na ich užo i «śpiecyjalistaŭ nie chapaje».
Choć Mitrapalit farmalna ličycca duchoŭnym lidaram, nichto nie ŭzhadaje choć niejkuju zajavu ci słova Mitrapalita, što za apošniaje 20-hodździe mieli b rozhałas abo zrabili ŭpłyŭ na hramadstva.
***
Cytata: «Svaboda jość najvialikšym daram».
Z pasłańnia na Rastvo Chrystova, studzień 2013.
***
Abjektyŭka
Sapraŭdnaje imia — Kirył Vachramiejeŭ. Nar. u 1935 u Maskvie ŭ siamji byłych kupcoŭ. Archijerej Ruskaj pravasłaŭnaj carkvy, mitrapalit Minski i Słucki, patryjaršy ekzarch usiaje Biełarusi, archimandryt Śviata-Uśpienskaha Žyrovickaha manastyra. Hieroj Biełarusi. Uznaharodžany ordenami Franciška Skaryny, «Za zasłuhi pierad Ajčynaj» IV stupieni (Rasija) dy inš. Pry ŭručeńni rasijskaha ordena adkazaŭ prezidentu Pucinu: «Słužu otiečiestvu i sojuznomu hosudarstvu Rośsii i Biełoruśsii!».
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2727
Kamientary