У Беларусі Кірыл Вахрамееў ад 1978, сам ён з вядомага яраслаўскага купецкага роду. У РПЦ у савецкі час займаў двухсэнсоўную пасаду кіраўніка Аддзела замежных царкоўных сувязяў.
Часта сустракаецца з Аляксандрам Лукашэнкам. Засядае ў прэзідыуме Усебеларускіх народных сходаў. Бласлаўляе Аляксандра Лукашэнку ў часе інаўгурацый.
Аднак роля царквы ў сістэме зводзіцца да своеасаблівага «дзяржкамітэта па справах культаў». Праваслаўная царква ператварылася ў месца працаўладкавання масы адстаўнікоў-сілавікоў, што апранаюць расы. Аляксандр Лукашэнка аднойчы нават папракнуў праваслаўных, што яны набудавалі столькі цэркваў, што на іх ужо і «спецыялістаў не хапае».
Хоць Мітрапаліт фармальна лічыцца духоўным лідарам, ніхто не ўзгадае хоць нейкую заяву ці слова Мітрапаліта, што за апошняе 20-годдзе мелі б розгалас або зрабілі ўплыў на грамадства.
***
Цытата: «Свабода ёсць найвялікшым дарам».
З паслання на Раство Хрыстова, студзень 2013.
***
Аб'ектыўка
Сапраўднае імя — Кірыл Вахрамееў. Нар. у 1935 у Маскве ў сям’і былых купцоў. Архіерэй Рускай праваслаўнай царквы, мітрапаліт Мінскі і Слуцкі, патрыяршы экзарх усяе Беларусі, архімандрыт Свята-Успенскага Жыровіцкага манастыра. Герой Беларусі. Узнагароджаны ордэнамі Францішка Скарыны, «За заслугі перад Айчынай» IV ступені (Расія) ды інш. Пры ўручэнні расійскага ордэна адказаў прэзідэнту Пуціну: «Служу отечеству и союзному государству России и Белоруссии!».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары