У Мінску за «садзейнічанне экстрэмісцкай дзейнасці» асудзілі айцішніка Багдана
Мінскі гарадскі суд вынес прысуд 28‑гадоваму мінчуку Багдану Цяцёркіну. Хлопца абвінавацілі паводле ч. 1 арт. 361‑4 Крымінальнага кодэкса. Расказваем, што пра яго вядома.
Багдан Цяцёркін нарадзіўся ў 1997 годзе. Ён скончыў мінскую сярэднюю школу № 13. Хлопец працуе праграмістам. У сваіх сацсетках посціць праграмісцкія жарты, напрыклад, згадваў, што пачаў разумець мову С++ толькі пасля паўгода чытання спецыялізаванай літаратуры.
У вольны час малады чалавек захапляўся гульнёй у Counter-Strike, а сярод яго музычных пераваг — Ляпісы, System Of A Down, Marilyn Manson і 30 Seconds To Mars.
Нядаўна Багдана асудзілі ў Мінскім гарадскім судзе паводле часткі 1 артыкула 361‑4 Крымінальнага кодэкса Беларусі, садзейнічанне экстрэмісцкай дзейнасці.
Яму прысудзілі хатнюю хімію.
«Наша Нiва» — бастыён беларушчыны
ПАДТРЫМАЦЬ
Каментары