Беларускім і расійскім лёгкаатлетам падоўжылі адхіленне ад спаборніцтваў
Сусветная асацыяцыя лёгкай атлетыкі (World Athletics) падоўжыла адхіленне расійскіх і беларускіх спартсменаў. Такое рашэнне было прынята па выніках пасяджэння Рады арганізацыі, якое прайшло 3 ліпеня ў фармаце відэаканферэнцыі, піша Sports.ru.

Рада пацвердзіла сваё рашэнне, прынятае ў сакавіку 2022 года, перагледжанае ў 2023 і 2025 гадах і паўторна разгледжанае ў сакавіку 2026 года, аб адхіленні расійскіх і беларускіх спартсменаў, афіцыйных асоб і абслуговага персаналу ад міжнародных спаборніцтваў.
Прэзідэнт Себасцьян Коў заявіў: «Мы паказалі Радзе магчымыя варыянты для разгляду гэтага пытання. Аднак першапачатковае рашэнне аб санкцыях, якія абараняюць сумленнасць і чысціню нашых спаборніцтваў, застаецца ў сіле, паколькі не адбылося ніякага рэальнага прагрэсу ў кірунку мірных перамоваў», — гаворыцца ў прэс-рэлізе арганізацыі.
Беларускія і расійскія спартоўцы адхіленыя ад міжнародных спаборніцтваў з сакавіка 2022 года пасля пачатку поўнамаштабнага ўварвання ва Украіну.
Беларускі бок прасіў разгледзець пытанне допуску спартсменаў да міжнародных турніраў, уключаючы Алімпійскія гульні 2028 года ў Лос-Анджэлесе і юніёрскі чэмпіянат свету 2026 года ў Юджыне.
Каментары