У Беларусі пад Колю Лукашэнку створаць адмысловы цэнтр «спецыяльнасцяў будучыні»
Падчас размовы з бацькамі выпускнікоў сумеснай беларуска-кітайскай праграмы БДУ і Пекінскага ўніверсітэта, дзе вучыўся Мікалай Лукашэнка, яго бацька Аляксандр Лукашэнка анансаваў стварэнне навукова-адукацыйнага цэнтра будучыні для самых таленавітых.
Аляксандр Лукашэнка працягвае суправаджаць па жыццёвым шляху малодшага сына. Скончыўшы з Мікалаем школу і ўніверсітэт, Аляксандр Лукашэнка ўзяўся за працаўладкаванне сына.
Пра будучае працаўладкаванне Лукашэнка пагаварыў пасля ўручэння дыпломаў з бацькамі чатырох выпускнікоў, што вучыліся разам з Колем на кітайска-беларускай праграме па біятэхналогіях.
Лукашэнка сказаў ім, што дзеці ў іх добрыя, і што ён цяпер ужо будзе «наглядаць, каб яны нармальна працавалі».
Аказалася, што для самых таленавітых спецыялістаў, па словах Лукашэнкі, у краіне будзе створаны спецыяльны цэнтр прафесій будучыні (а біятэхналогіі — гэта будучыня, давёў Лукашэнка).
«Будзем навучаць па трох-чатырох спецыяльнасцях будучыні. Таму, магчыма, яны [выпускнікі сумеснай беларуска-кітайскай праграмы] туды і трапяць», — сказаў Аляксандр Лукашэнка.
Імаверна, ён ужо ведае, хто найбольш таленавіты і хто туды трапіць дакладна.
У лютым мама Колі Ірына Абельская на факультэце Колі ўжо адкрыла найсучаснейшую біялабараторыю. Лабараторыя з’яўляецца сучасным высокатэхналагічным цэнтрам, сказала Абельская.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары
За 32 года, остановлены все социальные и карьерные лифты, буть у тебя 3 высших образования с отличием, тебе светит только собачья должность, на которой надо тянуть семерых с ложкой и зарплатами большими, чем у тебя.
Все, тёплые, места заняты отфильтрованными на лояльность лукашенкам дураками и членами их семей...