Падчас свайго візіту ў Кіеў лідарка беларускіх дэмакратычных сіл Святлана Ціханоўская і міністр замежных спраў Украіны Андрэй Сібіга ўшанавалі памяць загінулых герояў, у тым ліку беларускіх добраахвотнікаў, каля Сцяны памяці.
Святлана Ціханоўская ў сваім выступленні ўзгадала беларускіх і украінскіх герояў, якія аддалі жыцці за свабоду, і падкрэсліла, што Украіна змагаецца не толькі за сябе, але і за агульную будучыню рэгіёна:
«Мы схіляем галовы перад кожным, хто стаў на абарону сваёй краіны, свайго народа і агульных каштоўнасцяў свабоды і годнасці.
Больш за 80 беларусаў ужо загінулі ў гэтай вайне. Мы памятаем кожнага. Іх імёнамі будуць названыя вуліцы ў вольнай Беларусі. Яны абараняюць не толькі Украіну — яны абараняюць гонар беларускага народа і змагаюцца за нашу агульную свабоду.
Мы таксама памятаем пра тых, хто сёння знаходзіцца ў расійскім палоне. Пра тых ветэранаў і добраахвотнікаў, якія страцілі здароўе, прайшлі праз раненні і выпрабаванні. І наш абавязак — падтрымліваць іх і іх сем’і.
Украіна сёння — прыклад мужнасці, стойкасці і годнасці для ўсяго рэгіёна. І я хачу падзякаваць міністру Андрэю Сібігу і ўкраінскай дыпламатыі за прынцыповасць, рашучасць і вернасць сваёй краіне».
Перад гэтым Сібіга паказаў знішчаную расейскую тэхніку, якая выстаўленая на Міхайлаўскай плошчы:
«Вось так выглядае разбураны міф пра расійскую ўсёмагутнасць».
Разам са Святланай Ціханоўскай у цырымоніі ўдзел узялі прадстаўнікі Аб’яднанага пераходнага кабінета Павел Латушка і Вольга Зазулінская, кіраўнік апарату АПК Валерый Мацкевіч, спікер Каардынацыйнай Рады Арцём Брухан, а таксама прадстаўніца дэмакратычных сілаў ва Украіне Святлана Шаціліна.
Ціханоўская наведала Чарнобыльскую АЭС
Медзвядчук: Зяленскі спрабуе ўцягнуць Мінск у вайну, адкінуўшы Лукашэнку і запрасіўшы Ціханоўскую
«Вольны Кіеў — Свабодны Мінск». Ціханоўская прадэманстравала чыгуначны квіток ФОТАФАКТ
Ціханоўская пра ўдары Расіі па Украіне: Кожны такі ўдар толькі яшчэ раз паказвае сапраўдную сутнасць пуцінскага рэжыму
Ціханоўская прыехала на могілкі да Марыі Зайцавай
Ціханоўскую віталі кветкамі на вакзале ў Кіеве
Рэдакцыя «Гродзенскай праўды» амаль у поўным складзе кінулася ў сацсеткі каментаваць візіт Ціханоўскай у Кіеў
Каментары
Мы таксама памятаем пра тых, хто сёння знаходзіцца ў расійскім палоне. Пра тых ветэранаў і добраахвотнікаў, якія страцілі здароўе, прайшлі праз раненні і выпрабаванні. І наш абавязак — падтрымліваць іх і іх сем’і.”
Добра сказана. І наведаць Кіеў з афіцыйным візітам гэта ўчынак.