«Дэмакратыя для нас — не капрыз абставін, а стратэгія, прынятая народам Арменіі», — падкрэсліў прэм’ер-міністр.
Падчас адкрытай для СМІ часткі першага саміту Арменія — ЕС у Ерэване Пашынян адзначыў, што быў абмеркаваны шырокі круг пытанняў павесткі, прычым па большасці з іх існуе агульная пазіцыя і ўзаемаразуменне, піша news.am.
Пашынян падзякаваў ЕС за садзейнічанне, у сферы дэмакратычных рэформаў і інстытуцыйных рэформаў. Дэмакратыя для нас — не капрыз абставін, а стратэгія, прынятая народам Арменіі, падкрэсліў прэм’ер-міністр.
Па яго словах, усе рэформы, якія можна было рэалізаваць на аснове палітычнай волі, ужо рэалізаваныя. Для іх працягу неабходныя інстытуцыйныя і заканадаўчыя, экспертныя інвестыцыі, дадаў Пашынян, адзначыўшы важнасць супрацоўніцтва з ЕС у гэтым напрамку і падзякаваўшы за садзейнічанне ў станаўленні незалежнай судовай сістэмы і супрацьдзеянні гібрыдным пагрозам, распаўсюджванню дэзінфармацыі і мовы варожасці ў сацыяльных сетках і СМІ.
«Гэта праблема і для многіх еўрапейскіх краін. Цяпер мы з гэтым сутыкаемся і спадзяёмся на садзейнічанне і абмен вопытам, даступнасць інструментаў для прымянення ў Арменіі», — заявіў Пашынян, падзякаваўшы Урсуле фон дэр Ляен і Антоніу Кошту за суаўтарства ў гістарычных падзеях.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію99
Малодшы сын Сахашчыка абвешчаны зніклым без вестак. Выглядае, ён ваяваў за Расію
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары