МАРГ пакараў прадпрымальнікаў за завышаныя цэны на святочныя сукенкі
Міністэрства антыманапольнага рэгулявання і гандлю (МАРГ) праверыла гандлёвыя пункты, дзе прадаюць выпускныя сукенкі і касцюмы. У выніку ў 11 выпадках зафіксавалі парушэнні — прадпрымальнікі ставілі занадта высокія гандлёвыя надбаўкі.
Здымак ілюстрацыйны. Фота: Lookby.media
Парушэнні знайшлі ў розных рэгіёнах: у Гомельскай вобласці — 4 выпадкі, у Магілёўскай і Віцебскай — па 3, і яшчэ адзін — у Мінскай вобласці. Замест дазволенай надбаўкі (да 65%), у некаторых выпадках яна даходзіла да 120%, гэта значыць амаль удвая больш.
Прывялі і канкрэтныя прыклады:
- жаночы касцюм прадавалі за 270 рублёў, хоць з улікам дапушчальнай надбаўкі ён павінен быў каштаваць каля 221 рубля;
- сукенка па 200 рублёў павінна была каштаваць прыкладна 173 рублі;
- жаночыя штаны па 116 рублёў — каля 87 рублёў.
У дачыненні да такіх прадпрымальнікаў распачалі адміністрацыйныя працэсы. У МАРГ нагадалі, што на адзенне для выпускных у Беларусі дзейнічае дзяржаўнае рэгуляванне цэн, і памер гандлёвай надбаўкі строга абмежаваны.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары