Адбылося некалькі сустрэч, у тым ліку і з унукам Рауля Кастра.
Дэлегацыя Дзярждэпартамента ЗША ў мінулую пятніцу прыехала ў Гавану на перамовы з уладамі Кубы, паведамляюць крыніцы Axios.
Паводле слоў высокапастаўленага чыноўніка дыпведамства, адбылося некалькі сустрэч, у тым ліку з Раулем Гільерма Радрыгесам Кастра — унукам былога лідара рэспублікі Рауля Кастра.
Амерыканцы заявілі, што «кубінская эканоміка знаходзіцца ў свабодным падзенні», і заклікалі кіраўніцтва вострава скарыстацца абмежаваным «акном магчымасцяў», каб правесці дэмакратычныя і эканамічныя рэформы пры падтрымцы ЗША, «перш чым сітуацыя незваротна пагоршыцца».
Прадстаўнікі Дзярждэпартамента ЗША таксама запатрабавалі вызвалення палітвязняў і выплаты кампенсацый амерыканскім грамадзянам і карпарацыям, чые актывы і маёмасць былі канфіскаваныя пасля рэвалюцыі 1959 года.
Адначасова чыноўнікі выказалі «занепакоенасць тым, што замежныя разведвальныя, ваенныя і тэрарыстычныя групы дзейнічаюць з дазволу кубінскага ўрада менш чым за сто міль ад тэрыторыі ЗША».
Узамен на выкананне гэтых патрабаванняў амерыканцы прапанавалі абмеркаваць зняцце гандлёвага эмбарга і прадастаўленне доступу да спадарожнікавай сувязі Starlink.
Гэта першыя за 10 гадоў перамовы паміж ЗША і Кубай — у апошні раз краіны наўпрост кантактавалі падчас візіту на востраў прэзідэнта Барака Абамы ў 2016 годзе.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары