Мабільныя дадаткі беларускага Альфа Банка зніклі з крамы Google Play. Гаворка ідзе пра INSNC і «Альфа Бізнес Мобайл 2.0», паведамілі ў банку.
Гэта азначае, што большасць карыстальнікаў Android цяпер не змогуць паставіць гэтыя праграмы або атрымліваць абнаўленні праз афіцыйны сэрвіс.
У банку паведамілі, што ўжо разбіраюцца ў сітуацыі. Пры гэтым падкрэслілі, што праблема не закранае карыстальнікаў Huawei з AppGallery і RuStore.
Тым, у каго праграмы ўжо ўсталяваныя, хвалявацца не трэба — яны працягнуць працаваць. Але для абнаўлення банкаўскія спецыялісты раяць выдаліць старую версію і спампаваць новую з афіцыйнага сайта банка.
Калі ж дадатак знік або ў чалавека новы тэлефон, яго таксама прапануюць усталяваць непасрэдна з сайта. У банку сцвярджаюць, што гэтыя версіі нічым не адрозніваюцца ад тых, што былі ў Google Play — ні па функцыях, ні па бяспецы.
Яшчэ ў канцы 2025 года банк трапіў пад санкцыі ЗША. Пасля гэтага яго праграмы таксама зніклі з App Store для карыстальнікаў iPhone.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары