Жыхар Магілёўскай вобласці напаў на 20‑гадовую дзяўчыну. Дзякуючы маладой пары, якая праходзіла міма, пацярпелую ўдалося выратаваць. У выніку мужчына паўстаў перад судом — яго абвінавацілі ў замаху на забойства.
Вядома, што ўсё адбылося ў верасні 2025 года ў горадзе Круглае. У той дзень падазраваны знаходзіўся ў людным месцы — побач з перасячэннем дзвюх вуліц. У нейкі момант проста там ён беспрычынна напаў на незнаёмую дзяўчыну.
«Схапіў яе, перанёс з ходніка ў яр, паваліў на зямлю і пачаў душыць за шыю», — паведамілі падрабязнасці ў пракуратуры.
У гэты ж час міма праходзіла сямейная пара з дзіцем. Маладыя людзі адразу прыйшлі на дапамогу пацярпелай. Пасля гэтага яны выклікалі міліцыю.
Падазраваным аказаўся 44‑гадовы мясцовы жыхар. Высветлілася, што раней ён адбыў 16‑гадовы тэрмін — пакаранне было прызначана за забойства жанчыны.
На судзе па факце замаху абвінавачаны катэгарычна адмаўляў сваю датычнасць. Аднак з улікам усіх доказаў яго прызналі вінаватым.
Прызначанае пакаранне — 20 гадоў папраўчай калоніі ва ўмовах асаблівага рэжыму.
Таксама мужчыну абавязалі выплаціць кампенсацыю маральнай шкоды — 30 тысяч рублёў.
-
Польскі банк Millennium папярэдзіў беларусаў без ДНЖ пра блакаванне аперацый на рахунках з 12 снежня
-
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара
-
Каранік не забраў з сабой у Мінск падпалкоўніка, які быў яго прэс-сакратаром. Таму знайшлі новае месца
Цяпер чытаюць
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара3
Каментары