Žychar Mahiloŭskaj vobłaści napaŭ na 20‑hadovuju dziaŭčynu. Dziakujučy maładoj pary, jakaja prachodziła mima, paciarpiełuju ŭdałosia vyratavać. U vyniku mužčyna paŭstaŭ pierad sudom — jaho abvinavacili ŭ zamachu na zabojstva.
Viadoma, što ŭsio adbyłosia ŭ vieraśni 2025 hoda ŭ horadzie Kruhłaje. U toj dzień padazravany znachodziŭsia ŭ ludnym miescy — pobač ź pierasiačeńniem dźviuch vulic. U niejki momant prosta tam jon biespryčynna napaŭ na nieznajomuju dziaŭčynu.
«Schapiŭ jaje, pieranios z chodnika ŭ jar, pavaliŭ na ziamlu i pačaŭ dušyć za šyju», — paviedamili padrabiaznaści ŭ prakuratury.
U hety ž čas mima prachodziła siamiejnaja para ź dziciem. Maładyja ludzi adrazu pryjšli na dapamohu paciarpiełaj. Paśla hetaha jany vyklikali milicyju.
Padazravanym akazaŭsia 44‑hadovy miascovy žychar. Vyśvietliłasia, što raniej jon adbyŭ 16‑hadovy termin — pakarańnie było pryznačana za zabojstva žančyny.
Na sudzie pa fakcie zamachu abvinavačany kateharyčna admaŭlaŭ svaju datyčnaść. Adnak z ulikam usich dokazaŭ jaho pryznali vinavatym.
Pryznačanaje pakarańnie — 20 hadoŭ papraŭčaj kałonii va ŭmovach asablivaha režymu.
Taksama mužčynu abaviazali vypłacić kampiensacyju maralnaj škody — 30 tysiač rubloŭ.
Kamientary