Беларускі дальнабойшчык спрабаваў правезці ў Літву цыгарэты, запакаваўшы іх у матрац
25 лютага ў пункт пропуску «Меднікі» прыбыла фура пад кіраваннем грамадзяніна Беларусі. Падазрэнне ў літоўскіх мытнікаў выклікаў не груз, а матрац у кабіне кіроўцы. Падчас праверкі высветлілася, што ўнутры яго былі схаваныя пачкі цыгарэт, паведамляе літоўская мытная служба.
У выніку мытнікі канфіскавалі 9400 цыгарэт агульным коштам 2326 еўра, а таксама цягач з паўпрычэпам, які ацанілі ў 15 390 еўра. У дачыненні да кіроўцы складзены адміністрацыйны пратакол.
Каментары