Пра гэта кіраўнік прэзідыума Нацыянальнай акадэміі навук Уладзімір Каранік заявіў на нарадзе па навуковай дзейнасці ў Лукашэнкі 9 лютага.
Ён падкрэсліў, што Акадэмія навук у Беларусі — унікальная структура, якая працуе паводле прынцыпу навукова-вытворчай карпарацыі. У выніку некаторыя заканадаўчыя акты не ўлічваюць, што акадэмія мае не толькі навуковую, але і вытворчую складовую.
«Адпаведна, мы абмежаваныя ў магчымасцях фінансавання тых ці іншых напрамкаў. Кіраўніком дзяржавы даручана сабрацца з Міністэрствам фінансаў, урадам, Адміністрацыяй і вызначыць, якім чынам даць Акадэміі навук магчымасць развівацца больш дынамічна — як у вытворчым, так і ў навуковым напрамку», — распавёў кіраўнік Прэзідыума НАН.
На яго думку, указ аб удасканаленні навуковай дзейнасці таксама дапаможа структурам Акадэміі навук пазбавіцца ад «баласту». Гаворка ідзе пра тыя складнікі, якія не ўплываюць на атрыманне новых ведаў і рэалізацыю новых праектаў.
Акрамя таго, дакумент створыць механізмы, якія дазволяць фінансаваць розныя напрамкі — напрыклад, фундаментальную і прыкладную навуку, а таксама сельскагаспадарчую тэматыку.
-
Вальфовіч пракаментаваў заявы СВР і папрасіў Еўропу не дыктаваць Беларусі, як жыць
-
Дзясяткі гадоў экспедыцый у адным ютуб-канале. У Беларусі прэзентавалі відэархіў Міколы Козенкі з народнымі танцамі і абрадамі
-
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком18
Каментары