Трамп можа даць кожнаму жыхару Грэнландыі па 100 тысяч даляраў за далучэнне да ЗША
Адміністрацыя прэзідэнта Дональда Трампа разглядае ідэю далучэння Грэнландыі да ЗША, якая ўсё больш набывае выгляд спробы фінансава заахвоціць мясцовых жыхароў. Як паведамляе Reuters, амерыканскія чыноўнікі абмяркоўвалі магчымасць аднаразовых выплат насельніцтву вострава, каб схіліць яго да выхаду са складу Даніі і, магчыма, далучэння да Злучаных Штатаў.
Канкрэтныя сумы і схема выплат пакуль не вызначаныя, але, паводле крыніц Reuters, гаворка ішла пра выплаты ад 10 да 100 тысяч даляраў на чалавека. Такі падыход разглядаецца як адзін з варыянтаў «набыцця» Грэнландыі, дзе жыве каля 57 тысяч чалавек.
Дзяржсакратар ЗША Марка Рубіа раней заявіў кангрэсменам, што Трамп сапраўды зацікаўлены ў куплі вострава, а жорсткая рыторыка выкарыстоўваецца як сродак ціску на Данію з мэтай пачатку перамоў на гэты конт.
У Белым доме абмяркоўваюцца розныя сцэнары далучэння Грэнландыі, у тым ліку і сілавы. Прэс-сакратарка адміністрацыі Трампа Кэралайн Левіт адзначыла, што прэзідэнт і ягоная каманда разглядаюць увесь спектр магчымасцяў для дасягнення гэтай знешнепалітычнай мэты, і выкарыстанне ўзброеных сіл ЗША тэарэтычна таксама не выключаецца.
Разам з тым Reuters падкрэслівае, што ідэя прамых выплат можа выглядаць занадта меркантыльнай і нават абразлівай для грэнландцаў. Насельніцтва вострава даўно абмяркоўвае сваю эканамічную залежнасць ад Даніі і часта выказвае жаданне поўнай незалежнасці.
Паводле апытання 2025 года, 56% жыхароў былі гатовыя падтрымаць незалежнасць, а 28% выступалі супраць. Пры гэтым 85% апытаных заявілі, што не хочуць, каб Грэнландыя стала часткай ЗША.
Каментуючы зварот Reuters адносна абмеркаванняў «куплі» вострава і магчымых выплат яго жыхарам, Белы дом абмежаваўся спасылкамі на ранейшыя заявы Левіт і Рубіа.
«Мне не патрэбна міжнароднае права — у мяне няма намеру прычыняць людзям шкоду». Трамп патлумачыў, навошта яму Грэнландыя
«Мы не прадаёмся». Што кажуць жыхары Грэнландыі пра цікавасць Трампа да вострава
Рубіа заявіў, што ЗША збіраюцца купіць Грэнландыю, а не забіраць яе сілай
Спецпасланнік Трампа ў Грэнландыі: Гаворка пра незалежнасць вострава, а не пра анексію
Кіраўнікі краін ЕС і Брытаніі: Выключна Данія і Грэнландыя маюць права вырашаць пытанні, што тычацца Даніі і Грэнландыі
Жонка дарадцы Трампа апублікавала карту Грэнландыі ў колерах сцяга ЗША
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку22
Каментары
Калі будзе рэфэрэндум, мясцовыя лёгка могуць абраць іншага гаспадара, за мест Даніі, ЗША. Да яшчэ і грошы за гэта атрымаюць.