Мінкультуры расказала, чым збіраецца займацца наступную пяцігодку
Міністэрства культуры расказала пра асноўныя напрамкі дзяржаўнай праграмы «Культурная прастора» на 2026—2030 гады, якую 31 снежня 2025 года зацвердзіў урад. Галоўнай мэтай праграмы дэкларуецца захаванне і папулярызацыя гісторыка-культурнай спадчыны, нацыянальных традыцый і звычаяў, піша БелТА.
Праграма складаецца з дзвюх падпраграм: «Культурная спадчына» і «Мастацтва і творчасць».
Першая з іх накіраваная на павышэнне даступнасці і якасці паслуг у сферы культуры — у музеях, бібліятэках, парках культуры і адпачынку, заапарках і іншых установах. Таксама плануецца далейшае адраджэнне народных рамёстваў, развіццё культур нацыянальных меншасцяў і беларусаў за мяжой, а таксама стварэнне нацыянальнага лічбавага кантэнту ў галіне культуры.
Падпраграма «Мастацтва і творчасць» прадугледжвае падтрымку прафесійнага мастацтва, развіццё кінематаграфіі і міжнароднага культурнага супрацоўніцтва.
Асобная ўвага надаецца рамонтна-рэстаўрацыйным работам на аб’ектах гісторыка-культурнай спадчыны па ўсёй краіне. У прыватнасці, у 2027 годзе плануецца завяршыць рэстаўрацыю комплексу будынкаў Нацыянальнага мастацкага музея Беларусі. У 2026—2029 гадах працягнуцца працы ў палацавым комплексе ў Ружанах, у 2029 годзе — рэстаўрацыя касцёла Божага Цела ў Нясвіжы, а ў 2030 годзе — рэканструкцыя і кансервацыя Навагрудскага замка.
Мінкультуры таксама падкрэсліла важнасць укаранення сучасных тэхналогій. Праграма прадугледжвае лічбавізацыю музейных і бібліятэчных фондаў, стварэнне віртуальных экскурсій, аўтаматызаваных інфармацыйных сістэм, а таксама алічбоўку кінафонду і аб’ектаў нематэрыяльнай культурнай спадчыны.
Акрамя таго, плануецца актыўнае развіццё міжнароднага культурнага супрацоўніцтва, пашырэнне дамоўнай базы і ўмацаванне іміджу Беларусі як краіны з багатай традыцыйнай і сучаснай культурай, інтэграванай у сусветную культурную прастору.
У Мінску зносяць будынкі каля Валадаркі
На могілках пад Ваўкавыскам ціха згніла старажытная драўляная царква
У Ружанах археолагі знайшлі фрагменты падмурка будынка часоў Льва Сапегі
У Ляхавічах пахваліліся копіяй гістарычнага замка, якая мусіць прыцягнуць турыстаў — чатыры будкі больш нагадваюць прыбіральні
Экскурсавода з Ружанскага замка адправілі за краты — падобна, за Гаюн
Улады хочуць зрабіць Навагрудак горадам-музеем
Цяпер чытаюць
Сталініста-ябацьку з Гомеля затрымалі пасля таго, як ён запрасіў Лукашэнку на гвалтоўнае закрыццё свайго трэцяга кафэ17
Каментары