Выйшаў з начнога клуба і знік. У Мінску пятыя суткі шукаюць хлопца
28‑гадовы мужчына ў ноч на 27 снежня разам з таварышам адпачываў у начным клубе Modul Art Platform. Прыяцель пайшоў, Павел застаўся адпачываць, а што было далей — ніхто не ведае. Жыхара сталіцы шукаюць ужо пятыя суткі.
«Ён адпачываў з былым калегам. Калега быў з ім да трэцяй гадзіны ночы, пасля чаго паехаў дадому. Павел застаўся ў клубе. Мы знайшлі ўсіх, з якімі ён там пазнаёміўся, але яны таксама сышлі раней за яго. У выніку Павел выйшаў з клуба ў 5:30 раніцы і пасля гэтага знік. Больш інфармацыі пра яго ў нас няма», — расказала журналісту Onlíner Юлія, маці Паўла.
Удалося ўстанавіць, што тэлефон Паўла апошні раз быў у зоне дасяжнасці 27 снежня ў раёне вуліцы Брэсцкай (гэта прыкладна 7 км ад Кастрычніцкай), але пакуль гэта не дало вынікаў. Пошукамі хлопца займаецца міліцыя.
Павел хударлявага целаскладу, рост — 176 см. Быў апрануты ў чорныя штаны, байку, куртку з футравым каўняром і белыя красоўкі. Пры сабе меў маленькую чорную сумку. На кісцях рук — белыя плямы (віціліга).
Калі вам нешта вядома пра Паўла, звяжыцеся з міліцыяй (102) або патэлефануйце ў ПВА «Анёл»: 7733, +375 (33) 666 60 33.
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 20261
Каментары